అక్షరటుడే, కామారెడ్డి: Kamareddy DSP Madhusudan | కామారెడ్డి డీఎస్పీగా మధుసూదన్ సోమవారం బాధ్యతలు స్వీకరించారు. నిజామాబాద్ ఇంటలిజెన్స్ విభాగంలో (Nizamabad intelligence) డీఎస్పీగా పనిచేసిన ఆయన కామారెడ్డి డీఎస్పీగా (Kamareddy DSP) బదిలీపై వచ్చారు.
Kamareddy DSP Madhusudan | గతంలో కామారెడ్డి పట్టణ సీఐగా..
మధుసూదన్ గతంలో కామారెడ్డి పట్టణ సీఐగా పనిచేశారు. ఇంతకుముందు ఇక్కడ కామారెడ్డి సబ్ డివిజన్ ఏఎస్పీ (Kamareddy Sub-division ASP) హోదాలో పనిచేసిన చైతన్య రెడ్డి సంగారెడ్డి అడిషనల్ ఎస్పీగా పదోన్నతిపై వెళ్లిన విషయం తెలిసిందే. ఆమె స్థానంలో ఏఎస్పీ క్యాడర్లో కొత్తవారు వస్తారని అందరూ భావించారు. అయితే అనుకోకుండా డీఎస్పీ హోదాలోనే మధుసూదన్ను ప్రభుత్వం నియమించింది. సోమవారం బాధ్యతలు చేపట్టిన ఆయన జిల్లా ఎస్పీ రాజేష్ చంద్రను (SP Rajesh Chandra) మర్యాదపూర్వకంగా కలిసి పూలమొక్క అందజేశారు. బాధ్యతలు తీసుకున్న డీఎస్పీని డివిజన్లోని పలువురు సీఐలు, ఎస్సైలు, పోలీస్ సిబ్బంది కలిసి శుభాకాంక్షలు తెలిపారు.
ఇది కూడా చదవండి: 8th Pay Commission | 18న హైదరాబాద్కు 8వ పే కమిషన్ బృందం రాక
