అక్షరటుడే, కామారెడ్డి: Kamareddy Gas Leak | గ్యాస్ సిలిండర్ లీక్ కారణంగా ఓ ఇంట్లో అగ్నిప్రమాదం సంభవించింది. ఈ ఘటన కామారెడ్డి (Kamareddy) పట్టణంలో చోటు చేసుకుంది.
Kamareddy Gas Leak | కామారెడ్డిలో..
కామారెడ్డి పట్టణంలోని వినాయక్నగర్ కాలనీ (Vinayaknagar Colony)లో బుధవారం గ్యాస్ సిలిండర్ లీకై అగ్నిప్రమాదం సంభవించింది. ఓ ఇంట్లో వంట గ్యాస్ లీకవడంతో ఒక్కసారిగా మంటలు చెలరేగాయి. మంటలను ఆర్పే క్రమంలో ఒకే కుటుంబానికి చెందిన మల్లవ్వ, మౌనిక, అలేఖ్య అనే ముగ్గురికి గాయాలయ్యాయి. స్థానికులు గమనించి కుటుంబ సభ్యులను అక్కడినుంచి బయటకు తీసుకువచ్చారు.
సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకొని మంటలను అదుపు చేశారు. క్షతగాత్రులను హుటాహుటిన కామారెడ్డి ప్రభుత్వ ఆస్పత్రికి తరలించి చికిత్స అందిస్తున్నారు. ప్రస్తుతం వారి పరిస్థితి నిలకడగా ఉందని వైద్యులు తెలిపారు. సిలిండర్ పేలి ఉంటే పెను ప్రమాదం సంభవించేదని స్థానికులు ఆందోళన వ్యక్తం చేశారు. ఘటనపై పోలీసులు కేసు నమోదు చేసి దర్యాప్తు చేపట్టారు.
ఇది కూడా చదవండి..: Government Schools | ప్రైవేట్కు ధీటుగా ప్రభుత్వ బడులు.. ప్రీ ప్రైమరీతో మహర్దశ
