అక్షరటుడే, వెబ్డెస్క్: Kavitha TRS Party | కల్వకుంట్ల కవిత (Kalvakuntla Kavitha) ఈ నెల 25 కొత్త పార్టీ ఏర్పాటు చేసిన విషయం తెలిసిందే. ఈ పార్టీ పేరు తెలంగాణ రక్షణ సేనకు ఎన్నికల సంఘం ఆమోదం తెలిపింది. టీఆర్ఎస్ను కవితకు ఇస్తూ ఆదేశాలు జారీ చేసింది.
Kavitha TRS Party | రక్షణ సేనగా..
కవిత గతంలో ఉన్న తెలంగాణ రాష్ట్ర సమితిలోని సంక్షిప్త రూపం టీఆర్ఎస్ (TRS) వచ్చేలా తన పార్టీ పేరు పెట్టారు. దీనిపై పలువురు బీఆర్ఎస్ నాయకులు (BRS Leaders) అభ్యంతరం వ్యక్తం చేశారు. ఎన్నికల సంఘానికి ఫిర్యాదు చేశారు. అయితే ఎన్నికల సంఘం మాత్రం కవిత పార్టీకి గ్రీన్ సిగ్నల్ ఇచ్చింది. టీఆర్ఎస్ పేరును అధికారికంగా కల్వకుంట్ల కవితకు ఎన్నికల సంఘం ఇచ్చింది. ఈ మేరకు ఆమోదం తెలుపుతూ ప్రధాన ఎన్నికల కమిషనర్ ఉత్తర్వులు జారీ చేశారు. బంజారాహిల్స్లోని కవిత నివాసంలో పార్టీకి అనుమతి ఇస్తూ అధికారులు లేఖ అందజేశారు. కాగా తెలంగాణ రాష్ట్ర సేన అని కవిత పేరు ప్రకటించగా.. ఎన్నికల సంఘం తెలంగాణ రక్షణ సేన పేరును ఆమోదించడం గమనార్హం. బీఆర్ఎస్ నాయకుల అభ్యంతరాలతో తెలంగాణ రాష్ట్ర సేనకు బదులుగా.. తెలంగాణ రక్షణకు సేనకు ఆమోదం తెలిపినట్లు సమాచారం.
Kavitha TRS Party | మార్పు తెస్తారా..
కల్వకుంట్ల కవిత ఈనెల 25న మేడ్చల్లోని అద్వయ కన్వెన్షన్ హాల్లో టీఆర్ఎస్ పార్టీ పేరు ప్రకటించిన విషయం తెలిసిందే. రాష్ట్ర రాజకీయాల్లో మార్పు తేవడానికి, సామాజిక తెలంగాణ కోసం పార్టీ ఏర్పాటు చేసినట్లు ఆమె ప్రకటించారు. మరి రాష్ట్ర రాజకీయాల్లో ఆమె పార్టీ ప్రభావం ఎంత మేరకు ఉంటుందో చూడాలి. తెలంగాణ (Telangana) ఇటీవల అనేక పార్టీలు పుట్టాయి. ప్రొఫెసర్ కోదడరాం తెలంగాణ జన సమితి, ఎమ్మెల్సీ తీన్మార్ మల్లన్న తెలంగాణ రాజ్యాధికార పార్టీలు ఉన్నాయి. అయితే అవి ఎన్నికల్లో అంతగా ప్రభావం చూపలేదు. మరోవైపు గత ఎన్నికలకు ముందు వైఎస్ షర్మిల వైఎస్ఆర్టీపీని ఏర్పాటు చేశారు. అనంతరం దానిని కాంగ్రెస్లో విలీనం చేశారు.కవితకు రాజకీయ అనుభవం ఉండటం, తెలంగాణ జాగృతి నుంచి కార్యకర్తలు తోడు రావడంతో పార్టీకి లాభం చేకూరే అవకాశం ఉంది. మరి రాష్ట్ర రాజకీయాల్లో కవిత మార్పు తెస్తారా లేదా చూడాలి.
ఇది కూడా చదవండి..: BJP President | ధాన్యం కొనుగోళ్లలో ప్రభుత్వం విఫలం : బీజేపీ చీఫ్
