అక్షరటుడే, వెబ్డెస్క్: Kerala teacher suicide | కామారెడ్డి జిల్లా కామారెడ్డి మండల పరిధిలో విషాదం చోటుచేసుకుంది. స్థానిక ఒక ప్రైవేట్ పాఠశాలలో విధులు నిర్వహిస్తున్న కేరళకు చెందిన ఉపాధ్యాయురాలు ఆత్మహత్యకు పాల్పడటం స్థానికంగా కలకలం రేపింది. స్కూలుకు సంబంధించిన క్వార్టర్స్ లోనే ఆమె బలవన్మరణానికి పాల్పడింది.
Kerala teacher suicide | 10 రోజుల క్రితమే విధుల్లోకి..
పోలీసులు, స్థానికులు తెలిపిన వివరాల ప్రకారం… కేరళ రాష్ట్రానికి చెందిన దేవిక విల్లా అనే ఉపాధ్యాయురాలు కామారెడ్డి పట్టణ సమీపంలోని ఒక ప్రముఖ ప్రైవేట్ పాఠశాలలో పాఠాలు బోధించేందుకు పది రోజుల క్రితమే ఇక్కడికి వచ్చారు. నర్సన్నపల్లి గ్రామంలోని పాఠశాల క్వార్టర్స్కు సంబంధించిన ఒక ఇంట్లో ఆమె నివాసముంటున్నారు.
Kerala teacher suicide | ఉరేసుకుని బలవన్మరణం
దేవిక విల్లా బుధవారం సాయంత్రం తన గదిలో ఎవరూ లేని సమయంలో ఉరేసుకుని ఆత్మహత్యకు పాల్పడ్డారు. సమాచారం అందుకున్న పోలీసులు వెంటనే ఘటనా స్థలానికి చేరుకుని పరిశీలించారు. అయితే, ఆమె ఆత్మహత్యకు గల స్పష్టమైన కారణాలు ఇంకా తెలియరాలేదు.
Hyderabad Water Crisis | ఐటీ హబ్ల తళతళల వెనుక ‘జల’ సంక్షోభం: భాగ్యనగరంలో పాతాళంలోకి భూగర్భ జలాలు!
పోలీసుల దర్యాప్తు
మృతదేహాన్ని పోస్టుమార్టం నిమిత్తం కామారెడ్డి ప్రభుత్వ జనరల్ ఆసుపత్రి (GGH)కి తరలించారు. ఈ ఘటనపై కేసు నమోదు చేసుకున్న పోలీసులు, ఆమె అంత తీవ్రమైన నిర్ణయం తీసుకోవడానికి గల కారణాలపై అన్ని కోణాల్లో విచారణ జరుపుతున్నారు.
సాధారణంగా విద్యార్థులకు ఉన్నత ప్రమాణాలతో కూడిన విద్యను అందించేందుకు కేరళకు చెందిన ఉపాధ్యాయులను ఇక్కడి ప్రైవేట్ విద్యాసంస్థలు ప్రత్యేకంగా రప్పించుకుంటూ ఉంటాయి. ఈ క్రమంలోనే వచ్చిన సదరు ఉపాధ్యాయురాలు చేరిన కొద్దిరోజుల్లోనే ఇలా విగతజీవిగా మారడంతో తోటి ఉపాధ్యాయులు, విద్యార్థుల తల్లిదండ్రులు దిగ్భ్రాంతికి లోనయ్యారు.
