అక్షరటుడే, వెబ్డెస్క్ : Kodad Gas Explosion | సూర్యాపేట (Suryapet) జిల్లా కోదాడ పట్టణంలో గ్యాస్ సిలిండర్ పేలుడు కలకలం సృష్టించింది. రంగ థియేటర్ పక్కన ఉన్న వీధిలో శనివారం రాత్రి గ్యాస్ సిలిండర్ పేలుడు సంభవించింది.
ఎల్పీజీ (LPG) సిలిండర్లను రీఫిల్ చేసే దుకాణం నుంచి పేలుడు సంభవించి ఉండవచ్చని స్థానికులు అనుమానం వ్యక్తం చేస్తున్నారు. ఘటనలో ఎవరికీ ఎటువంటి గాయాలు కాలేదు. పోలీసులు వెంటనే ఘటనా స్థలానికి చేరుకుని, కేసు నమోదు చేసి దర్యాప్తు చేపట్టారు. పేలుడు సమయంలో స్థానికులు భయాందోళనకు గురయ్యారు. దుకాణాల్లో నుంచి బయటకు పరుగులు తీశారు. ఇందుకు సంబంధించిన వీడియో వైరల్ అవుతోంది.
Kodad Gas Explosion | అక్రమంగా రీఫిల్లింగ్
రాష్ట్రంలో కొందరు గ్యాస్ సిలిండర్ల రీఫిల్లింగ్ దందా చేస్తున్నారు. డొమెస్టిక్ సిలిండర్లను అక్రమంగా ఇతర అవసరాల కోసం వినియోగిస్తున్నారు. ముఖ్యంగా పట్టణాలు, నగరాల్లో ఉండే వలస జీవులు చిన్న గ్యాస్ సిలిండర్లను బయట నింపించుకుంటున్నారు. చిన్న దుకాణాలు పెట్టుకొని కొందరు సిలిండర్ల నుంచి గ్యాస్ను అందులో నింపుతున్నారు. ఈ సమయంలో ఎలాంటి జాగ్రత్తలు పాటించడం లేదు. ఫలితంగా ప్రమాదాలు చోటు చేసుకుంటున్నాయి. అక్రమ గ్యాస్ రీఫిల్లింగ్పై చర్యలు తీసుకోవాలని ప్రజలు కోరుతున్నారు.
కోదాడలో గ్యాస్ సిలిండర్ పేలుడు
సూర్యాపేట జిల్లా కోదాడ పట్టణంలోని రంగ థియేటర్ పక్కన ఉన్న వీధిలో గ్యాస్ సిలిండర్ పేలుడు సంభవించింది. LPG సిలిండర్లను రీఫిల్ చేసే దుకాణం నుంచి పేలుడు సంభవించి ఉండవచ్చని స్థానికులు అనుమానం వ్యక్తం చేస్తున్నారు. ఘటనలో ఎవరికీ ఎటువంటి హాని జరగలేదు.… pic.twitter.com/P0BlaDvshX
— Akshara Today | Telugu News (@aksharatoday) July 5, 2026
దీనిని కూడా చదవండి : Kamareddy Theft | పెళ్లి వేడుకలో బంగారం చోరీ.. సాంకేతిక ఆధారాలతో దొంగను పట్టుకున్న పోలీసులు
