అక్షరటుడే, హైదరాబాద్ : Hyderabad Women Safety | భాగ్యనగరంలో మహిళల భద్రతపై మరోసారి చర్చ మొదలైంది. నగరంలోని అత్యంత ప్రతిష్టాత్మకమైన సోలార్ రూఫ్ సైకిల్ ట్రాక్ (Solar Roof Cycle Track)పై రన్నింగ్ చేస్తున్న ఒక మహిళకు భయంకరమైన అనుభవం ఎదురైంది. ఓ దుండగుడు ఆమెను అసభ్యంగా వేధిస్తూ, భయాందోళనకు గురిచేసిన ఉదంతం సోషల్ మీడియాలో వైరల్గా మారింది.
Hyderabad Women Safety | ఏం జరిగిందంటే?
బాధితురాలు సోషల్ మీడియాలో (Social Media) పోస్ట్ చేసిన వీడియో ప్రకారం.. ఆమె ఉదయం పూట సైకిల్ ట్రాక్పై రన్నింగ్ చేస్తున్న సమయంలో ఒక వ్యక్తి ఆమెను అనుసరించాడు. ఆమెను అసభ్యంగా తాకడమే కాకుండా, వికృత చేష్టలతో వేధించాడు. భయాందోళనకు గురైన ఆమె వెంటనే తన మొబైల్లో వీడియో తీస్తూ అతడిని నిలదీయగా, ఆ వ్యక్తి అక్కడి నుంచి పరారయ్యాడు.
Hyderabad Women Safety | బాధితురాలి ఆవేదన..
“హైదరాబాద్ (Hyderabad) మహిళలకు అత్యంత సురక్షితమైన నగరం అని నేను ఎప్పుడూ అనుకునేదాన్ని. కానీ ఇప్పుడు ఇక్కడ ఏం జరుగుతోంది? పట్టపగలే ఇలాంటి ఘటనలు జరుగుతుంటే రక్షణ ఎక్కడ ఉంది?” అంటూ ఆమె తన వీడియోలో కన్నీటి పర్యంతమయ్యారు. సదరు నిందితుడి దృశ్యాలను కూడా ఆమె వీడియోలో చిత్రీకరించారు.
Hyderabad Women Safety | పోలీసుల స్పందన..
ఈ వీడియో సోషల్ మీడియాలో వైరల్ కావడంతో పోలీసులు వెంటనే స్పందించారు. నిందితుడిని గుర్తించేందుకు సీసీటీవీ ఫుటేజీని పరిశీలిస్తున్నామని, మహిళల భద్రత విషయంలో రాజీ పడేది లేదని అధికారులు స్పష్టం చేశారు.
View this post on Instagram
ఇది కూడా చదవండి..: Kodandaram Azharuddin Oath | శాసనమండలి సభ్యులుగా కోదండరాం, అజారుద్దీన్ ప్రమాణం
[…] ఇది కూడా చదవండి..: Hyderabad Women Safety | సోలార్ సైకిల్ ట్రాక్పై మహి… […]