అక్షరటుడే, భీమ్గల్: Bahrain Labour Union | బహ్రెయిన్(Bahrain) ప్రవాసీ మిత్ర లేబర్ యూనియన్ అధ్యక్ష పదవికి భీమ్గల్(Bheemgal) మండలం బాబానగర్ గ్రామానికి చెందిన తోట రమేశ్ రాజీనామా చేశారు. ఈ మేరకు తన రాజీనామా పత్రాన్ని యూనియన్ వ్యవస్థాపక అధ్యక్షుడికి పంపినట్లు తెలిపారు.
Bahrain Labour Union | అనివార్య కారణాలతో..
అనివార్య కారణాల వల్ల తాను ఇటీవల స్వదేశానికి తిరిగి వచ్చిన నేపథ్యంలో, ఈ బాధ్యతల నుంచి తప్పుకుంటున్నట్లు తోట రమేశ్ ప్రకటించారు. గత ఐదేళ్లుగా యూనియన్ అధ్యక్షుడిగా కొనసాగుతూ కార్మికుల సంక్షేమానికి, హక్కుల రక్షణకు కృషి చేసే అవకాశం కల్పించినందుకు రమేశ్ కృతజ్ఞతలు తెలిపారు. ప్రస్తుతం బహ్రెయిన్లో ఉన్న క్రియాశీల సభ్యులలో ఒకరిని నూతన అధ్యక్షుడిగా ఎంపిక చేసి బాధ్యతలు అప్పగించాలని లేఖలో సూచించారు. తన రాజీనామాను తక్షణమే ఆమోదించాల్సిందిగా యూనియన్ యాజమాన్యానికి ఆయన విజ్ఞప్తి చేశారు.
