Minor Biker | బాలుడు నడిపిన బైక్ ఢీకొని ఒకరి దుర్మరణం..

అక్షరటుడే, కామారెడ్డి: Minor Biker | ఇటీవల పదో తరగతిలో కొడుకు పాసయ్యాడని ఆ తండ్రి సంతోషంలో బైక్​ కొనిచ్చాడు. ఈ బైక్​తో వేగంగా వెళ్లిన మైనర్​ ఒకరి ప్రాణం పోవడానికి కారణమయ్యాడు. ఈ ఘటన కామారెడ్డి పట్టణంలో గురువారం చోటు చేసుకుంది.

Minor Biker | రూ.4 లక్షల బైక్​ గిఫ్ట్​గా..

పోలీసులు, స్థానికుల కథనం ప్రకారం.. లింగంపేట(Lingampet) మండలంలోని మోతె గ్రామానికి చెందిన పులగం వెంకటస్వామి(39) ఓ కంపెనీలో రికవరీ ఏజెంట్​గా పని చేస్తున్నాడు. పనిలో భాగంగా బైక్​పై కామారెడ్డి నుంచి అశోక్ నగర్ కాలనీ మీదుగా ఇల్చిపూర్ వెళ్తున్నాడు. కామారెడ్డి(Kamareddy) పట్టణంలోని అశోక్ నగర్ కాలనీకి చెందిన ఓ బాలుడు ఇల్చిపూర్ వైపు నుంచి కామారెడ్డి వైపు బైక్​పై మితిమీరిన వేగంగా వస్తూ ఎదురుగా వస్తున్న వెంకటస్వామి బైక్​ను బలంగా ఢీకొన్నాడు.

ఈ ఘటనలో వెంకటస్వామి రోడ్డుపై పడిపోయి అక్కడిక్కడే మృతి చెందాడు. విషయం తెలుసుకున్న పోలీసులు ఘటనాస్థలికి చేరుకుని మృతదేహాన్ని పోస్టుమార్టం నిమిత్తం జీజీహెచ్​కు తరలించారు. బాలుడు పోలీసుల అదుపులో ఉన్నట్టు సమాచారం. దేవునిపల్లి పోలీసులు కేసు నమోదు చేసుకుని దర్యాప్తు చేస్తున్నారు.