అక్షరటుడే వెబ్డెస్క్: Modi Cabinet Meeting | కేంద్ర మంత్రివర్గంలో మార్పులు చేర్పులు జరగనున్నాయనే ప్రచారం జోరందుకున్న తరుణంలో, ప్రధాని నరేంద్ర మోదీ సోమవారం మంత్రులతో అత్యవసరంగా భేటీ కానున్నారు. ప్రభుత్వ పథకాల అమలు తీరు, వివిధ మంత్రిత్వ శాఖల పనితీరుపై ఈ సమావేశంలో ప్రధానంగా చర్చించనున్నారు. ఈ సమీక్షల ముగింపులోనే కేంద్ర కేబినెట్లో పునర్వ్యవస్థీకరణ ఉండే అవకాశం ఉందంటూ రాజకీయ వర్గాల్లో ఊహాగానాలు వ్యక్తమవుతున్నాయి.
Modi Cabinet Meeting | కీలక శాఖల సమీక్ష..
మొదటి విడతగా జరిగే ఈ భేటీలో వ్యవసాయం, విద్య, సామాజిక న్యాయం వంటి కీలక శాఖల మంత్రులు పాల్గొననున్నారు. ఆయా విభాగాల పురోగతి, చేపట్టిన కార్యక్రమాల అమలుపై రూపొందించిన నివేదికలను మంత్రులు ప్రధానికి అందజేయనున్నారు. సోమవారం జరిగే ఒక్క సమావేశంతో మంత్రుల భేటీలు ముగిసిపోవు. రానున్న రోజుల్లో మిగతా మంత్రిత్వ శాఖలకు చెందిన మంత్రులతోనూ వేర్వేరు దశల్లో ఇలాంటి సమీక్షా సమావేశాలు కొనసాగనున్నట్లు సమాచారం. పనితీరు ఆధారంగా మంత్రుల శాఖలు మారడం లేదా కొత్త వారికి అవకాశం దక్కడం వంటి మార్పులు ఉండవచ్చని రాజకీయ పరిశీలకులు భావిస్తున్నారు. అయితే, కేంద్ర ప్రభుత్వం ( Central Government )వైపు నుంచి ఇప్పటివరకు కేబినెట్ పునర్వ్యవస్థీకరణపై ఎలాంటి అధికారిక ప్రకటన వెలువడలేదు.
ఇది కూడా చదవండి: KCR Comments | బూతుల వీరుడితో చర్చకు రమ్మంటున్నారు.. రేవంత్పై కేసీఆర్ సంచలన వ్యాఖ్యలు
