అక్షరటుడే, వెబ్డెస్క్ : Municipal Commissioner Suspension | సిద్దిపేట (Siddipeta) మున్సిపల్ కమిషనర్ అశ్రిత్ కుమార్ సస్పెండ్ అయ్యారు. రాష్ట్ర ఆవిర్భావ దినోత్సవ (Telangana Formation Day) ఏర్పాట్లలో నిర్లక్ష్యం వహించినందుకు కమిషనర్పై సస్పెన్షన్ వేటు వేస్తూ మున్సిపల్ అడ్మినిస్ట్రేషన్ డైరెక్టర్ శ్రీదేవి ఉత్తర్వులు జారీ చేశారు. కలెక్టర్ హైమావతి (Collector Hymavati) ఫిర్యాదుతో ఈ మేరకు నిర్ణయం తీసుకున్నారు.
సిద్దిపేట మున్సిపల్ కమిషనర్ ఆశ్రిత్ కుమార్ తెలంగాణ ఆవిర్భావ వేడుకల సందర్భంగా జిల్లా యంత్రాంగం జారీ చేసిన సూచనలను పాటించడంలో నిర్లక్ష్యం వహించారు. విధి నిర్వహణలో వైఫల్యం, అవిధేయత, చట్టబద్ధమైన విధులను నిర్వర్తించడంలో విఫలం అయ్యారని ఫిర్యాదులు అందాయి. దీంతో ఆయనను సస్పెండ్ చేస్తూ ఉత్తర్వులు జారీ చేశారు.
Municipal Commissioner Suspension | ఏర్పాట్లు చేయకపోవడంతో..
సిద్దిపేటలో నిర్వహించిన ఆవిర్భావ వేడుకలకు మున్సిపల్ కమిషనర్ అవసరమైన ఏర్పాట్లు చేయలేదు. సభాస్థలి వద్ద మున్సిపల్ సిబ్బంది హాజరును నిర్ధారించడంలో విఫలమయ్యారని, జాతీయ గీతం, తెలంగాణ రాష్ట్ర గీతం కోసం ఏర్పాట్లు చేయడంలో విఫలమయ్యారని కలెక్టర్ ఫిర్యాదు చేశారు. అధికారి ప్రవర్తన, పనితీరు అసంతృప్తికరంగా ఉన్నాయని, ఆయనపై క్రమశిక్షణా చర్య తీసుకోవాల్సిన అవసరం ఉందని నివేదించారు. దీంతో ఆయనను సస్పెండ్ చేసినట్లు డైరెక్టర్ శ్రీదేవి తెలిపారు. సస్పెన్షన్ కాలంలో, అతనికి జీవన భృతి చెల్లిస్తారు. అనుమతి లేకుండా జిల్లా హెడ్ క్వార్టర్స్ దాటి బయటకు వెళ్లొద్దని ఆదేశాలు జారీ చేశారు.
రాష్ట్ర ఆవిర్భావ దినోత్సవ ఏర్పాట్లలో నిర్లక్ష్యం వహించారన్న కలెక్టర్ ఫిర్యాదుతో సిద్దిపేట మున్సిపల్ కమిషనర్ అశ్రిత్ కుమార్ను సస్పెండ్ చేశారు. సీడీఎంఏ టీ.కే. శ్రీదేవి సస్పెన్షన్ ఉత్తర్వులు జారీ చేశారు. pic.twitter.com/paiuCn4HP1
— TG Govt Updates (@TGGovtUpdates) June 5, 2026
దీనిని కూడా చదవండి : Revanth Reddy Harvard Training | హార్వర్డ్లో సీఎం శిక్షణపై ఎంపీ అర్వింద్ కీలక వ్యాఖ్యలు
