అక్షరటుడే, ఇందూరు: Naikapod Population | ప్రభుత్వం నాయక్పోడ్ జనాభాను తక్కువ చేసి చూపించడం సరికాదని..ఆదివాసి నాయకపోడ్ సేవా సంఘం (Nayakapod Seva sangham) అధ్యక్ష, కార్యదర్శులు గాండ్ల రాంచందర్, పుట్ట శివశంకర్ పేర్కొన్నారు. ఈ మేరకు కలెక్టర్లోని ప్రజావాణిలో (Prajavani) అధికారులకు వినతిపత్రం అందజేశారు.
Naikapod Population | నాయక్పోడ్లను అవమానించడమే..
అనంతరం సంఘం అధ్యక్ష, కార్యదర్శులు మాట్లాడుతూ.. ఆదివాసి నాయక పోడ్ జనాభాను తక్కువ చేసి చూపించడం సరైంది కాదని.. ఇది తమను అవమానించడమేనని వారు పేర్కొన్నారు. రాష్ట్ర ప్రభుత్వం జనాభా వివరాలలో నాయకపోడ్ తెగ జనాభాను కేవలం 16 వేలుగా చూపడం ఎంతవరకు కరెక్ట్ అని ప్రశ్నించారు. 1949లో షెడ్యూల్ తెగ జాబితాలో 9 తెగలను గుర్తించగా.. అందులో నాయక్పోడ్ తెగ ఒకటన్నారు. అలాంటి తెగను జనాభా లెక్కల్లో తక్కువ చేసి చూపించడం ద్వారా మా జాతి అస్తిత్వం, సంస్కృతి సంప్రదాయాలను నిర్లక్ష్యం చేశారని వారు పేర్కొన్నారు.
Naikapod Population | ఆరు లక్షలకు పైగా ఉన్న జనాభా..
రాష్ట్రవ్యాప్తంగా ఆరు లక్షలకు పైగా ఉన్న నాయక్పోడ్లను కేవలం 16వేలుగా చూపించడంపై తాము నిరసన వ్యక్తం చేస్తున్నామన్నారు. అంతేకాకుండా నిజామాబాద్ (Nizamabad) జిల్లాలో 29 మండలాల్లో నాయక్పోడ్ తెగ కుటుంబాలు సుమారు 4,392 మంది ఉండగా.. జనాభా 35వేలకు పైగా ఉందన్నారు. త్వరలో జరిగే జనగణనలో తమకు సముచిత స్థానం కల్పించాలన్నారు. జనగణనలో తమకు ప్రత్యేకంగా కాలమ్ ఏర్పాటు చేయాలని వారు డిమాండ్ చేశారు.
ఇది కూడా చదవండి: Kavitha New Party | నా పార్టీలో మహిళలకు 33 శాతం రిజర్వేషన్ : కవిత
