అక్షరటుడే, వెబ్డెస్క్: Nandana Notices | యూట్యూబర్ ‘నందూస్ వరల్డ్’ నందన (YouTuber Nandana)కు మరో షాక్ తగిలింది. ఉద్యోగాలిప్పిస్తామంటూ కన్సల్టెన్సీ ద్వారా డబ్బులు వసూలు చేసిన కేసులో అద్దంకి పోలీసులు నోటీసులు జారీ చేశారు.
Nandana Notices | అద్దంకిలో కేసు నమోదు
ఏపీలోని అద్దంకి మండలానికి చెందిన ఉప్పలపాటి శ్రీనివాసరావు తన కోడలికి యూకేలో ఉద్యోగం నిమిత్తం.. గుంటూరులో ప్రైవేటు కన్సల్టెన్సీ నిర్వహిస్తున్న రమానందన మామ మోహనరావును 2023లో సంప్రదించారు. ఈ నేపథ్యంలో అడ్వాన్స్ కింద రూ.లక్ష చెల్లించారు. అన్నిరకాల పత్రాలు పూర్తిచేసిన అనంతరం మరో రూ. 9.60 లక్షలు ఇచ్చారు. డబ్బులు చెల్లించడంతో ప్రాసెస్ పూర్తి చేసినా అటు ఉద్యోగం రాక.. ఇటు చెల్లించిన నగదు వాపసు చేయకపోవడంతో బాధితుడు ఈ ఏడాది జూన్లో అద్దంకి ఠాణాలో ఫిర్యాదు చేశాడు. దీంతో పోలీసులకు కేసు నమోదు చేశారు.
Nandana Notices | బిగ్బాస్ కోసం హైదరాబాద్కు..?
బాధితుల ఫిర్యాదుతో కన్సల్టెన్సీ నిర్వాహకులైన మోహనరావు, రమానందనతో పాటు మరికొందరిపై అద్దంకి పీఎస్లో కేసు నమోదైంది. ఈ నేపథ్యంలో శుక్రవారం ఆమె న్యాయవాదిని వెంటబెట్టుకుని అద్దంకి పోలీస్ స్టేషన్కు వచ్చి పోలీసుల నుంచి నోటీసులు తీసుకెళ్లినట్లు పోలీసులు తెలిపారు. అయితే యూకే పౌరసత్వం కలిగిన రమానందన బిగ్ బాస్ షోకు ఎంపికవడంతోనే హైదరాబాద్ వచ్చినట్లు ప్రచారం సాగుతోంది.
ఇది కూడా చదవండి..: Celebrity Voter Notices | రాజమౌళి, మహేష్ బాబుకు ఈసీ నోటీసులు
