PM Modi gold prices | బంగారం ధరల తగ్గుదలపై ప్రధాని మోడీ ఆసక్తికర వ్యాఖ్యలు.. అసలు కారణం ఇదేనన్న పీఎం!

దేశంలో బంగారం వినియోగం తగ్గడం వల్ల విదేశాల నుంచి చేసుకునే పసిడి దిగుమతులు గణనీయంగా తగ్గాయని మోదీ పేర్కొన్నారు.

Naresh Chandan

అక్షరటుడే, వెబ్​డెస్క్: PM Modi gold prices | దేశీయంగా బంగారం Gold ధరలు తగ్గుముఖం పట్టడంపై ప్రధానమంత్రి నరేంద్ర మోడీ ఆసక్తికరమైన వ్యాఖ్యలు చేశారు. తాను ఇచ్చిన పిలుపు మేరకు దేశ ప్రజలు బంగారం కొనుగోళ్లను తగ్గించుకోవడం వల్లే పసిడి ధరలు దిగివచ్చాయని ఆయన పేర్కొన్నారు. ఉత్తరప్రదేశ్ రాజధాని లఖ్‌నవూలో నిర్వహించిన ఒక కార్యక్రమంలో ప్రసంగిస్తూ ప్రధాని ఈ కీలక విషయాలను పంచుకున్నారు.

PM Modi gold prices | తాను చేసిన విజ్ఞప్తికి అద్భుతమైన స్పందన

గతంలో తాను చేసిన విజ్ఞప్తికి ప్రజల నుంచి అద్భుతమైన స్పందన వచ్చిందని మోడీ తెలిపారు. ప్రజలు అనవసరపు బంగారం కొనుగోళ్లను నిలిపివేయడం వల్ల మార్కెట్‌లో డిమాండ్ తగ్గి, ఫలితంగా పసిడి ధరలు తగ్గాయని వివరించారు.

బంగారం కొనుగోళ్లకు దూరంగా ఉండటం ద్వారా ప్రజల కష్టార్జితం వృథా కాకుండా ఆదా అయిందని ప్రధాని అభిప్రాయపడ్డారు. దేశంలో బంగారం వినియోగం తగ్గడం వల్ల విదేశాల నుంచి చేసుకునే పసిడి దిగుమతులు గణనీయంగా తగ్గాయని మోదీ పేర్కొన్నారు.

PM Modi gold prices | విదేశీ మారకద్రవ్య నిల్వల బలోపేతం

ఇది దేశ ఆర్థిక వ్యవస్థకు ఎంతో కీలకమైన విదేశీ మారకద్రవ్య నిల్వలను (Foreign Exchange Reserves) బలోపేతం చేసేందుకు ఎంతగానో మేలు చేస్తుందని ఆయన స్పష్టం చేశారు. ప్రజల ఆర్థిక క్రమశిక్షణ దేశ ఆర్థిక ప్రగతికి ఏ విధంగా తోడ్పడుతుందో వివరిస్తూ ప్రధాని చేసిన ఈ వ్యాఖ్యలు ప్రస్తుతం ఆర్థిక, వాణిజ్య వర్గాల్లో ఆసక్తికర చర్చకు దారితీశాయి.

Akshara Today | ప్రజల గొంతుకగా అక్షరటుడే.. డిజిటల్‌ దిశగా మరో అడుగు..

Follow:
గత 20 సంవత్సరాలుగా ప్రింట్, డిజిటల్​ మీడియా రంగంలో పనిచేస్తున్నారు. 2008లో ఈనాడు ద్వారా మీడియాలోకి అడుగుపెట్టారు. 2015లో మనం పత్రికకు స్టాఫర్​గా, 2016లో మన తెలంగాణకు బ్యూరోగా పనిచేశారు. 2017లో ఈనాడులో సబ్ ఎడిటర్​గా తన ప్రయాణం మొదలెట్టారు. 2023 నుంచి అక్షరటుడే వెబ్ న్యూస్​లో సీనియర్​ న్యూస్​ ఎడిటర్​గా కొనసాగుతున్నారు. పొలిటికల్​, ఎడ్యుకేషన్​, క్రైం, ట్రెండింగ్​తోపాటు నేషనల్​, ఇంటర్నేషనల్, లైఫ్​స్టైల్​​ ఆర్టికల్స్​ ఎక్కువగా రాస్తుంటారు.
Leave a Comment

Leave a Reply

Your email address will not be published. Required fields are marked *