అక్షరటుడే, వెబ్డెస్క్: Prof R Limbadri IPE Director | హైదరాబాద్‌ Hyderabad లోని ప్రముఖ విద్యా సంస్థ ‘ఇన్‌స్టిట్యూట్ ఆఫ్ పబ్లిక్ ఎంటర్‌ప్రైజ్’ (IPE) నూతన డైరెక్టర్‌గా సీనియర్ విద్యావేత్త, పరిపాలనా దక్షుడు ప్రొఫెసర్ ఆర్. లింబాద్రి బాధ్యతలు స్వీకరించారు. విద్యా రంగంలో, పరిపాలనలో మరియు సంస్థాగత నాయకత్వంలో ఆయనకు సుదీర్ఘమైన అపార అనుభవం ఉంది.
Prof R Limbadri IPE Director | విద్యారంగంలో పలు కీలక బాధ్యతలు
ప్రొఫెసర్ ఆర్. లింబాద్రి ఐపీఈ (IPE) డైరెక్టర్‌గా బాధ్యతలు చేపడడానికి ముందు ఉన్నత విద్యారంగంలో పలు కీలక పదవులను నిర్వహించారు. తెలంగాణ ఉన్నత విద్యా మండలి (TGCHE) ఛైర్మన్‌గా, తెలంగాణ విశ్వవిద్యాలయం రిజిస్ట్రార్‌గా, ఉస్మానియా విశ్వవిద్యాలయం పబ్లిక్ అడ్మినిస్ట్రేషన్ విభాగంలో సీనియర్ ప్రొఫెసర్‌గా, అలాగే హైదరాబాద్‌లోని డాక్టర్ బి. ఆర్. అంబేద్కర్ విద్యా సంస్థల ముఖ్య కార్యనిర్వహణాధికారి (CEO)గా విశిష్ట సేవలు అందించారు.
Prof R Limbadri IPE Director | ‘విద్యార్థుల ఫిర్యాదుల పరిష్కార కమిటీ’ అంబుడ్స్‌మన్గానూ..
ప్రస్తుతం ఆయన కేంద్ర విశ్వవిద్యాలయంలో ‘విద్యార్థుల ఫిర్యాదుల పరిష్కార కమిటీ’ అంబుడ్స్‌మన్గా కూడా కొనసాగుతున్నారు. సుదీర్ఘ కాలంగా వివిధ విద్యా, బోధనా సంస్థలతో అనుబంధం కలిగి ఉన్న లింబాద్రి.. ఉన్నత విద్య, ప్రజా పరిపాలనా రంగాల అభివృద్ధికి గణనీయమైన కృషి చేశారు.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
ప్రొఫెసర్ ఆర్. లింబాద్రి అపార విద్యా అనుభవం, పరిపాలనా నైపుణ్యం, సమర్థవంతమైన నాయకత్వం ద్వారా.. ఐపీఈ సంస్థ యొక్క విద్యా ప్రమాణాలు, పరిశోధనా కార్యక్రమాలు, సంస్థాగత అభివృద్ధి మరింత ఉన్నత స్థాయికి చేరుకుంటాయని పాలకవర్గం ఆశాభావం వ్యక్తం చేసింది.
