అక్షరటుడు వెబ్డెస్క్:Puducherry Election Results|పుదుచ్చేరి అసెంబ్లీ ఎన్నికల్లో మొట్టమొదటి ఫలితం అధికార కూటమి ఖాతాలో చేరింది. ఎన్డీఏ కూటమి నాయకుడు, సీఎం ఎన్. రంగస్వామి తాను పోటీ చేసిన తట్టంచావడి నియోజకవర్గం నుంచి ఘనవిజయం సాధించారు. తన సమీప ప్రత్యర్థి, నేయం మక్కల్ కజగం అభ్యర్థి వినాయగంపై ఆయన స్పష్టమైన మెజారిటీతో గెలుపొందారు. కేవలం ఇక్కడే కాకుండా, ఆయన పోటీ చేసిన రెండో నియోజకవర్గం మంగళం లోనూ రంగస్వామి భారీ ఆధిక్యంలో కొనసాగుతున్నారు.
Puducherry Election Results|ఏకపక్షంగా సాగుతున్న కౌంటింగ్..
మొత్తం 30 అసెంబ్లీ స్థానాలున్న పుదుచ్చేరిలో ప్రభుత్వ ఏర్పాటుకు కావాల్సిన మ్యాజిక్ ఫిగర్ 16. అయితే, ఎన్డీఏ కూటమి అంతకంటే ఎక్కువే అంటే ఏకంగా 22 స్థానాల్లో ముందంజలో ఉండి ఏకపక్ష విజయం దిశగా సాగుతోంది.
- ఎన్డీఏ కూటమి (AINRC + BJP + AIADMK): 22 స్థానాలు
- కాంగ్రెస్ కూటమి (INDIA Bloc): 06 స్థానాలు
- ఇతరులు: 02 స్థానాలు
Puducherry Election Results|కుప్పకూలిన కాంగ్రెస్ కోటలు..
ఈ ఎన్నికల్లో కాంగ్రెస్ నేతృత్వంలోని విపక్ష కూటమి దారుణంగా దెబ్బతింది. కేవలం 6 స్థానాలకే పరిమితం కావడంతో ఆ పార్టీ శ్రేణుల్లో నిరాశ నెలకొంది. అధికార వ్యతిరేకతను సమర్థవంతంగా తిప్పికొట్టిన రంగస్వామి, తన ఛరిష్మాతో ఎన్డీఏను విజయపథంలో నడిపించారు. నటుడు విజయ్ నేతృత్వంలోని టీవీకే (TVK) కొన్ని స్థానాల్లో గట్టి పోటీ ఇచ్చినప్పటికీ, ప్రధాన పోరు మాత్రం ఎన్డీఏ వైపే మొగ్గు చూపింది.
ఇది కూడా చదవండి: Tamil Nadu Political Shock|తమిళనాడులో రాజకీయ ప్రకంపనలు.. కుప్పకూలుతున్న డీఎంకే కోట.. విజయ్ ‘దళపతి’ జైత్రయాత్ర!
