అక్షరటుడే, వెబ్డెస్క్ : Rahul Gandhi | లోక్సభ ప్రతిపక్ష నాయకుడు రాహుల్ గాంధీపై మహిళా జర్నలిస్ట్ సంచలన ఆరోపణలు చేశారు. ఎస్ఐఆర్ ప్రక్రియపై నిన్న సుప్రీంకోర్టు ప్రాంగణంలో నిరసన సమయంలో గర్భిణి అయిన తనను రాహుల్ గాంధీ (Rahul Gandhi) తన చేతిని తోసి, లాగారని మహిళా జర్నలిస్ట్ ఆరోపించారు.
వన్ఇండియా వెబ్‌సైట్‌కు చెందిన రిచా పరాశర్ ఈ మేరకు రాహుల్ గాంధీ ఆరోపణలు చేశారు. ప్రస్తుతం ఆమె ఓ ఆస్పత్రిలో చేరారు. కాగా ఈ ఆరోపణలను కాంగ్రెస్ ఖండించింది. బాధితురాలు మాట్లాడుతూ.. రాహుల్ గాంధీ మద్దతుదారులు తన గురించి చెడుగా మాట్లాడటంతో తీవ్రంగా కలత చెందానని ఆవేదన వ్యక్తం చేశారు. ఇది కాంగ్రెస్, బీజేపీకి సంబంధించిన విషయం కాదన్నారు.
Rahul Gandhi | కింద పడిపోయాను
పలువురు బీజేపీ నాయకులు ఆమెను పరామర్శించారు. రాహుల్ గాంధీ తనను గట్టిగా లాగారని ఆమె పేర్కొన్నారు. దీంతో తన మోకాళ్లు, పొట్ట గట్టి నేలకు తగిలి కింద పడిపోయానని ఆరోపించారు. రాహుల్ గాంధీ తన కెమెరామెన్‌ను తోసేశారని, దాంతో అతను ఆమెపై పడిపోగా, అతని వెనుకే మరో నలుగురు-ఐదుగురు కూడా పడిపోయారని పేర్కొన్నారు. అనంతరం ఆయన సెక్యూరిటీ సిబ్బంది తమను పక్కకు నెట్టేశారని ఆవేదన వ్యక్తం చేశారు. దీంతో తాను మెట్లపై పడిపోయానని చెప్పారు. ఈ ఘటనకు సంబంధించిన వీడియోను ఆమె పోస్టు చేశారు.
ఇది కూడా చదవండి..: Jantar Mantar Protest | జంతర్మంతర్ వద్ద ఆందోళన.. సీజేపీ నాయకుల అరెస్ట్
