అక్షరటుడే, వెబ్డెస్క్ : RR Playoffs | ముంబై ఇండియన్స్ (MI)తో జరిగిన మ్యాచ్లో రాజస్థాన్ రాయల్స్ ఘన విజయం సాధించింది. బ్యాటింగ్, బౌలింగ్లో సత్తా చాటి ముంబైని చిత్తు చేసింది. అంతేగాకుండా ఈ విజయంతో ప్లే ఆఫ్స్లోకి దూసుకెళ్లింది.
ముంబైలోని వాంఖడే స్టేడియంలో ఆదివారం ముంబై, ఆర్ఆర్ మధ్య పోరు జరిగింది. ఇప్పటికే ఎలిమినేట్ అయిన ముంబై ఈ మ్యాచ్లో గెలిచి పరువు కాపాడుకోవాలని భావించింది. అయితే తాము విజయం సాధిస్తే ప్లే ఆఫ్స్కు వెళ్లామని ఆర్ఆర్ దూకుడుగా ఆడింది. మొదట బ్యాటింగ్ చేసిన ఆర్ఆర్ 8 వికెట్లు కోల్పోయి 205 పరుగులు చేసింది. లక్ష్య చేధనకు దిగిన ముంబై జట్టు 20 ఓవర్లలో 175 పరుగులు మాత్రేమే చేసింది. దీంతో ఆర్ఆర్ 30 పరుగుల తేడాతో విజయం సాధించింది. రాజస్థాన్ గెలుపుతో పంజాబ్ (PBKS) క్వాలిఫైయర్ ఆశలు గల్లంతు అయ్యాయి.
RR Playoffs | రాణించిన ద్రువ్ జురేల్
మొదట బ్యాటింగ్ చేసిన రాజస్థాన్కు శుభారంభం లభించింది. ఓపెనర్ జైస్వాల్ (Jaiswal) దూకుడుగా ఆడాడు. 17 బంతుల్లో 27 పరుగులు చేసి ఔట్ అయ్యాడు. అయితే వైభవ్ సూర్యవంశీ ఈ మ్యాచ్లో విఫలం అయ్యాడు. 4 పరుగులకే పెవిలయన్ చేరాడు. దీంతో ఆర్ఆర్ 33 పరుగులకే 2 వికెట్లు కోల్పోయింది. అనంతరం ధ్రువ్ జురెల్ 38, శనక 29, అర్చర్ 32, జడేజా చివర్లో 19 పరుగులతో రాణించారు. దీంతో రాజస్థాన్ 20 ఓవర్లలో 8 వికెట్లు కోల్పోయి 205 పరుగులు చేసింది.
RR Playoffs | ఆదిలోనే కష్టాలు
206 పరుగుల లక్ష్యంతో బరిలోకి దిగిన ముంబైకి ఆదిలోనే ఎదురుదెబ్బ తగిలింది. ఓపెనర్ రోహిత్ శర్మ డకౌట్ అయ్యాడు. రికెల్టన్, నమన్ దీర్, తిలక్ వర్మ సైతం నిరాశ పరిచారు. సూర్యకుమర్ యాదవ్ 60 పరుగులతో రాణించాడు. దీంతో ఆ జట్టుకు గెలుపుపై ఆశలు చిగురించాయి. అతడికి కెప్టెన్ హర్దిక్ పాండ్యా 15 బంతుల్లో 34 పరుగులతో సహకారం అందించాడు. విల్ జాక్స్ 33 పరుగులు చేశాడు. అయితే చివర్లో రాజస్థాన్ బౌలర్లు కట్టుదిట్టంగా బౌలింగ్ చేసి వికెట్లు పడగొట్టారు. దీంతో ముంబై ఓడిపోగా.. రాజస్థాన్ ప్లే ఆఫ్స్లో చోటు దక్కించుకుంది.
ప్రస్తుతం పాయింట్ల పట్టికలో ఆర్సీబీ, గుజరాత్ టైటాన్స్ తొలి రెండు స్థానాల్లో ఉన్నాయి. ఈ జట్లు క్వాలిఫైయర్–1లో తల పడుతాయి. ఎస్ఆర్హెచ్, ఆర్ జట్లు మూడు, నాలుగు స్థానాల్లో ఉన్నాయి. ఈ జట్లు ఎలిమినేటర్ ఆడనున్నాయి. క్వాలిఫైయర్–1 లో ఓడిన జట్టు, ఎలిమినేటర్లో గెలిచిన జట్టుతో క్వాలిఫైయర్ –2 ఆడుతుంది. క్వాలిఫైయర్–1, –2లలో గెలిచిన జట్లు ఫైనల్లోకి వెళ్తాయి. పాయింట్ల పట్టికలో ముంబై 8 పాయింట్లతో 9వ స్థానంలో ఉండగా.. లక్నో కూడా 8 పాయింట్లతో చివరి స్థానంలో ఉంది.
దీనిని కూడా చదవండి: Ram Charan Bumrah Comment | బుమ్రాకు క్షమాపణ చెప్పిన రామ్చరణ్.. ఎందుకో తెలుసా?
