అక్షరటుడే, బాన్సువాడ : Self Enumeration Record | బాన్సువాడ మండలం (Banswada Mandal)లోని సోమ్లా నాయక్ తండా స్వీయ గణనలో విశేష విజయాన్ని సాధించింది. రాష్ట్రంలోనే వందశాతం స్వీయ గణన పూర్తి చేసిన రెండో గ్రామంగా తండా రికార్డు సృష్టించింది.
Self Enumeration Record | వందశాతం స్వీయ గణన
కలెక్టర్ సూచనల మేరకు మండల ఉన్నతాధికారులు, ప్రజాప్రతినిధులు సమన్వయంతో పనిచేసి గ్రామ ప్రజలకు స్వీయ గణనపై పూర్తి స్థాయి అవగాహన కల్పించారు. దీనివల్ల గ్రామస్థులు ఉత్సాహంగా ముందుకు వచ్చి స్వీయ గణన ప్రక్రియను పూర్తిగా విజయవంతం చేశారు. ఈ సందర్భంగా తహసీల్దార్ రాజ్ నరేందర్ గౌడ్ మాట్లాడుతూ.. మండల, రెవెన్యూ, పంచాయతీ అధికారులు, ఉపాధ్యాయుల సమష్టి కృషి వల్లే ఈ విజయాన్ని సాధించగలిగామని తెలిపారు. మంగళవారం నాటికి గ్రామంలో వంద శాతం స్వీయ గణన పూర్తయిందని ఆయన వెల్లడించారు. గ్రామ ప్రజల చైతన్యం, అధికారుల కృషి కలిసొచ్చి సాధించిన ఈ విజయాన్ని స్థానికంగా అభినందిస్తున్నారు. ఇతర గ్రామాలకు ఇది ఆదర్శంగా నిలుస్తుందని అధికారులు పేర్కొన్నారు.
ఇది కూడా చదవండి..: Census Self Enumeration | నాగిరెడ్డిపేట మండలంలో జనాభా లెక్కల స్వీయ గణనకు శ్రీకారం
