అక్షరటుడే, వెబ్డెస్క్ : Shopping Mall | మెట్రో నగరాల్లో ప్రస్తుతం షాపింగ్ మాల్స్ సంస్కృతి విపరీతంగా పెరిగిపోయింది. వారాంతాల్లో కుటుంబంతో కలిసి మాల్స్కు వెళ్లడం ఒక ట్రెండ్గా మారింది. అయితే, ఉదయం మాల్ లోపలికి వెళ్లిన జనం, చీకటి పడేవరకు సమయమే తెలియకుండా అక్కడే తిరుగుతుంటారు. మనం ఇలా సమయం మర్చిపోయి గంటల తరబడి గడపడం వెనుక మాల్ యజమానుల ఒక భారీ వ్యాపార వ్యూహం దాగి ఉంది. రిటైల్ మార్కెటింగ్ (Retail Marketing) రంగంలో దీనిని ఒక పెద్ద మైండ్ గేమ్గా భావిస్తారు.
Shopping Mall | సమయ స్ఫూర్తిని దెబ్బతీసే ‘గ్రుయెన్ ట్రాన్స్ఫర్’..
కస్టమర్లను ఒక మాయా ప్రపంచంలో బంధించి, వారి ఆలోచనా శక్తిని మార్చే ఈ సైకలాజికల్ టెక్నిక్ను ‘గ్రుయెన్ ట్రాన్స్ఫర్’ అంటారు. మాల్స్లో కిటికీలు, గోడ గడియారాలు ఉండవు. కిటికీలు ఉంటే బయట చీకటి పడుతోందని లేదా వాతావరణం మారుతోందని కస్టమర్లకు తెలిసిపోతుంది. దీనివల్ల వారు త్వరగా షాపింగ్ ముగించుకుని ఇంటికి వెళ్లడానికి ప్రయత్నిస్తారు. కిటికీలు లేకపోవడం వల్ల బయట సమయంతో సంబంధం తెగిపోయి, లోపలి వాతావరణంలో లీనమై ఎక్కువ వస్తువులు కొనుగోలు చేస్తారు.
Sh|opping Mall | కృత్రిమ లైటింగ్, ఏసీ బిల్లుల నియంత్రణ..
పగటిపూట సూర్యకాంతి నిమిష నిమిషానికి మారుతూ ఉంటుంది. దీనివల్ల వస్తువుల అసలు రంగులు సరిగ్గా కనిపించవు. అందుకే మాల్స్లో కేవలం కృత్రిమ (ఆర్టిఫిషియల్) లైటింగ్ను మాత్రమే వాడతారు. ఈ లైటింగ్ వల్ల లోపల ఉన్న ప్రతి వస్తువు అత్యంత ఆకర్షణీయంగా కనిపిస్తూ కస్టమర్లను ఆకర్షిస్తుంది. అలాగే, కిటికీలు లేని క్లోజ్డ్ భవనం వల్ల లోపలి చల్లదనం బయటకు పోకుండా ఏసీ ఉష్ణోగ్రత కంట్రోల్లో ఉంటుంది. తద్వారా విద్యుత్ బిల్లులు భారీగా తగ్గుతాయి.
Shopping Mall | అదనపు ఆదాయం..
మాల్ లోపల కిటికీలు ఉంటే ఆ స్థలం వృథా అవుతుంది. అదే ఖాళీ గోడలు ఉంటే అక్కడ పెద్ద పెద్ద బ్రాండెడ్ పోస్టర్లు, ప్రమోషనల్ బ్యానర్లు ఏర్పాటు చేసి అదనపు అద్దె ఆదాయం పొందవచ్చు. వీటితో పాటు, కిటికీలు లేకపోవడం వల్ల కేవలం ఎంట్రీ, ఎగ్జిట్ గేట్ల వద్ద మాత్రమే సెక్యూరిటీని గట్టిగా పర్యవేక్షించడం సులభమవుతుంది. అందుకే, మాల్స్ను కిటికీలు లేకుండా డిజైన్ చేస్తారు.
ఇది కూడా చదవండి..: Microwave Food | మైక్రోవేవ్ ఓవెన్లో ఈ పదార్థాలను వేడి చేస్తున్నారా? అయితే అవి విషంగా మారడం ఖాయం!
