అక్షరటుడే, వెబ్డెస్క్ : Stock Market Losses | పశ్చిమాసియాలో తిరిగి తలెత్తిన ఉద్రిక్తతలు, ముడి చమురు ధరల పెరుగుదల నేపథ్యంలో ఆసియా మార్కెట్లలో నెలకొన్న భారీ అమ్మకాల ఒత్తిడిని అనుసరించి భారత స్టాక్ మార్కెట్ (Indian Stock Market) సోమవారం నష్టాలతో ప్రారంభమైంది.
అమెరికాలో ఊహించిన దానికంటే మే నెల జాబ్ డేటా బాగుండడంతో ఫెడరల్ రిజర్వ్ వడ్డీ రేట్లను పెంచుతుందనే అంచనాలు పెరిగాయి. దీంతో ప్రపంచ మార్కెట్లు అమ్మకాల ఒత్తిడికి లోనయ్యాయి. అయితే కనిష్టాల వద్ద వాల్యూ బయ్యింగ్తో మన మార్కెట్లలో ప్రారంభ నష్టాలు తగ్గాయి.
Stock Market Losses | భారీ గ్యాప్ డౌన్లో ప్రారంభమైనా..
దేశీయ స్టాక్ మార్కెట్ (Domestic stock market) సోమవారం భారీ నష్టాలతో ప్రారంభమైంది. ఉదయం సెన్సెక్స్ 822 పాయింట్ల నష్టంతో ప్రారంభమై మరో 103 పాయింట్లు తగ్గింది. ఇంట్రాడే కనిష్టాల వద్ద లభించిన కొనుగోళ్ల మద్దతుతో కోలుకుని 469 పాయింట్లు పైకి ఎగబాకింది. నిఫ్టీ 286 పాయింట్ల నష్టంతో ప్రారంభమై మరో 10 పాయింట్లు తగ్గింది. అక్కడినుంచి 153 పాయింట్లు పెరిగింది. మధ్యాహ్నం 12 గంటల ప్రాంతంలో సెన్సెక్స్ 523 పాయింట్ల నష్టంతో 73,720 వద్ద, నిఫ్టీ 168 పాయింట్ల నష్టంతో 23,198 వద్ద ఉన్నాయి.
Stock Market Losses | అమ్మకాల ఒత్తిడి..
యుటిలిటీ, ఫార్మా, ఎఫ్ ఎంసీజీ సెక్టార్ల ఇండెక్స్లు మినహా మిగిలిన అన్ని రంగాలూ అమ్మకాల ఒత్తిడిని ఎదుర్కొంటున్నాయి. యుటిలిటీ ఇండెక్స్ 0.44 శాతం, ఫార్మా 0.38 శాతం, ఎఫ్ ఎంసీజీ 0.13 శాతం లాభాలతో ఉండగా.. నిఫ్టీ మెటల్ ఇండెక్స్ 1.58 శాతం, టెలికాం 1.49 శాతం, రియాలిటీ 1.02 శాతం, క్యాపిటల్ గూడ్స్ ఇండెక్స్ 0.98 శాతం ఫైనాన్షియల్ సర్వీసెస్ 0.94 శాతం, ఎనర్జీ 0.83 శాతం, కన్జూమర్ డ్యూరెబుల్స్ 0.83 శాతం, ఆయిల్ అండ్ గ్యాస్ 0.79 శాతం నష్టాలతో కదలాడుతున్నాయి.
Top Gainers : బీఎస్ఈ సెన్సెక్స్లో 11 స్టాక్స్ లాభాలతో, 19 స్టాక్స్ నష్టాలతో ట్రేడ్ అవుతున్నాయి. పవర్గ్రిడ్ 2.21 శాతం, టెక్ మహీంద్రా 1.25 శాతం, ఎన్టీపీసీ 0.83 శాతం, ఐటీసీ 0.80 శాతం, సన్ఫార్మా 0.78 శాతం లాభాలతో ఉన్నాయి.
Top Losers : బజాజ్ ఫైనాన్స్ 2.17 శాతం, ఎటర్నల్ 2.07 శాతం, ఇండిగో 2.04 శాతం, టాటా స్టీల్ 2.03 శాతం, ఎంఅండ్ ఎం 1.65 శాతం నష్టాలతో ఉన్నాయి.
ఇది కూడా చదవండి..: June 08 Market Analysis | నెగెటివ్గా గ్లోబల్ క్యూస్.. గ్యాప్ అప్ ఓపెనింగ్ను సూచిస్తున్న గిఫ్ట్ నిఫ్టీ
