అక్షరటుడే, తెయూ క్యాంపస్: Telangana University Snakebite | తెలంగాణ యూనివర్సిటీ బాలికల హాస్టళ్లలో ఓ విద్యార్థినికి పాము కాటు వేయడం కలకలం రేపింది. ఈ ఘటన మంగళవారం రాత్రి చోటు చేసుకుంది.
Telangana University Snakebite | అర్థశాస్త్రం చదువున్న విద్యార్థిని..
అర్థశాస్త్రం ఫస్టియర్ చదువుతున్న విద్యార్థిని కవిత హాస్టళ్లలోని కారిడార్లో చదువుకుంటుండగా పాము కాటేసింది. విషయాన్ని హాస్టల్ సిబ్బందికి చెప్పడంతో అప్రమత్తమైన వారు విద్యార్థినిని యూనివర్సిటీ అంబులెన్స్లో జిల్లా ప్రభుత్వ ఆస్పత్రికి తరలించారు. కవిత క్షేమంగా ఉన్నట్లు హాస్టల్ సిబ్బంది తెలిపారు. వీసీ యాదగిరిరావు, రిజిస్ట్రార్ యాదగిరి జిల్లా (Yadagiri District) ప్రభుత్వాస్పత్రికి వెళ్లి పాముకాటుకు గురైన కవితను పరామర్శించారు. ప్రస్తుతం ఆమె పరిస్థితి నిలకడగా ఉంది.
Telangana University Snakebite | హాస్టల్లో రక్షణ చర్యలు చేపట్టాలి
యూనివర్సిటీ గర్ల్స్ హాస్టల్లో అనేక సమస్యలు ఉన్నాయని, విష పురుగులు, పాములు గదుల్లోకి వస్తున్నాయని విద్యార్థినులు గతంలో ఆందోళన చేసి అధికారులకు విన్నవించారు. హాస్టళ్లలో సమస్యలపై వార్డెన్, చీఫ్ వార్డెన్లకు ఎన్నిసార్లు చెప్పినా పట్టించుకోవడం లేదని విద్యార్థినులు వాపోతున్నారు. విష పురుగులు హాస్టల్లోకి రాకుండా కిటికీలకు జాలీలు ఏర్పాటు చేయాలని, హాస్టల్లో రక్షణచర్యలు చేపట్టాలని డిమాండ్ చేస్తున్నారు.
ఇది కూడా చదవండి..: Rajaram Dubba Cordon | రాజారాం దుబ్బలో కార్డన్ సెర్చ్.. పలు వాహనాలు సీజ్
