అక్షరటుడే వెబ్డెస్క్:Tesla Telangana EV | తెలంగాణలో ఎలక్ట్రిక్ వాహనాల (EV) రంగాన్ని మరింత బలోపేతం చేసే దిశగా అడుగులు పడుతున్నాయి. ప్రముఖ గ్లోబల్ ఈవీ దిగ్గజం ‘టెస్లా’ (Tesla) సంస్థ తెలంగాణలో తన వ్యాపార విస్తరణ ప్రణాళికలను వేగవంతం చేస్తోంది. ఇందులో భాగంగా టెస్లా ఇండియా ప్రతినిధులు తెలంగాణ రవాణా, బీసీ సంక్షేమ శాఖ మంత్రి పొన్నం ప్రభాకర్తో మర్యాదపూర్వకంగా సమావేశమయ్యారు. ఈ భేటీకి సంబంధించిన వివరాలను మంత్రి పొన్నం ప్రభాకర్ తన అధికారిక ఎక్స్ (ట్విట్టర్) ఖాతా ద్వారా పంచుకున్నారు.
Tesla Telangana EV |నేరుగా వినియోగదారులకే సేవలు..
టెస్లా ఇండియా జనరల్ మేనేజర్ శరద్ అగర్వాల్, పబ్లిక్ పాలసీ & బిజినెస్ డెవలప్మెంట్ డైరెక్టర్ రజత్ ఈ సమావేశంలో పాల్గొని, టెస్లా కంపెనీ అనుసరిస్తున్న ‘డైరెక్ట్-టు-కన్స్యూమర్’ (వినియోగదారులకు నేరుగా విక్రయించే) వ్యాపార విధానాన్ని మంత్రికి వివరించారు. కంపెనీ ద్వారానే నేరుగా నిర్వహించే ఈ వ్యవస్థ వల్ల వాహనాల విక్రయాలు, ధరలు, డెలివరీ, , కస్టమర్ సర్వీసుల్లో ఎలాంటి మధ్యవర్తులు లేకుండా పూర్తి పారదర్శకత ఉంటుందని వారు పేర్కొన్నారు.
Tesla Telangana EV | రాష్ట్రంలో మౌలిక వసతుల కల్పనపై చర్చలు..
తెలంగాణలో టెస్లా ఆధ్వర్యంలోనే నడిచే సేల్స్, డెలివరీ, సర్వీస్ సెంటర్లతో పాటు ఈవీ వాహనాల కోసం ప్రత్యేక ‘టెస్లా సూపర్చార్జర్’ (Supercharger) ఇన్ఫ్రాస్ట్రక్చర్ నెట్వర్క్ను తీసుకురావడంపై ఈ సమావేశంలో ప్రధానంగా చర్చలు జరిగాయి. తెలంగాణలో స్థిరమైన రవాణా వ్యవస్థను (Sustainable Mobility) నిర్మించాలనే ప్రభుత్వ సంకల్పానికి, ఇక్కడి ఈవీ ఎకోసిస్టమ్కు టెస్లా విస్తరణ ప్రణాళికలు మరింత బలాన్ని చేకూరుస్తాయని రవాణా శాఖ మంత్రి పొన్నం ప్రభాకర్ ఈ సందర్భంగా ధీమా వ్యక్తం చేశారు.
Had a courtesy meeting with Tesla India representatives regarding the company’s proposed expansion plans in Telangana.
Tesla India General Manager Sharad Agarwal and Tesla India Lead – Public Policy & Business Development Director Rajat met and explained Tesla’s… pic.twitter.com/d9HkiZNEuD
— Ponnam Prabhakar (@Ponnam_INC) May 26, 2026
ఇది కూడా చదవండి: Grain procurement issues | అన్నదాత ఆక్రోషం.. రోడ్డుపై ధాన్యం బస్తాలు తగలబెట్టి నిరసన
