అక్షరటుడే, వెబ్డెస్క్ : Hydraa Demolitions | హైదరాబాద్ (Hyderabad)లో చెరువుల పరిరక్షణ కోసం హైడ్రా చర్యలు చేపడుతోంది. గండిపేట మండలం కోకాపేటోని కొత్త చెరువులో ఆక్రమణలను మంగళవారం తొలగించింది.
నగరంలో చెరువులు, కుంటలు, నాలాలు, ప్రభుత్వ భూముల రక్షణ కోసం హైడ్రాను ఏర్పాటు చేసిన విషయం తెలిసిందే. ఈ మేరకు ఆయా స్థలాల్లో అక్రమంగా చేపట్టిన నిర్మాణాలను కూల్చి వేస్తోంది. కోకాపేటలోని కొత్తచెరువు వద్ద మంగళవారం తెల్లవారుజామున హైడ్రా అధికారులు (Hydraa Officers) భారీ ఆపరేషన్ చేపట్టారు. చెరువు ఎఫ్టీఎల్, బఫర్ జోన్ పరిమితుల్లో అక్రమంగా నిర్మించారని ఆరోపణలు ఎదుర్కొంటున్న భారీ కంపౌండ్ గోడలు, తాత్కాలిక నిర్మాణాలను తొలగించారు.
Hydraa Demolitions | భారీ బందోబస్తు మధ్య..
కోకాపేట ప్రాంతంలో భూముల రేట్లు ఆకాశాన్ని అంటాయి. దీంతో కొందరు అక్రమార్కులు ప్రభుత్వ భూములు, చెరువులను ఆక్రమించి నిర్మాణాలు చేపట్టారు. ఈ మేరకు కొత్త చెరువులో నిర్మాణాలు ఎఫ్టీఎల్ పరిధిలో ఉన్నట్లు హైడ్రా అధికారులు గుర్తించారు. భారీ బందోబస్తు మధ్య వాటిని తొలగించారు. అనంతరం చెరువు చుట్టూ ఫెన్సింగ్ ఏర్పాటు చేశారు. హైదరాబాద్లోని జలవనరులను కాపాడేందుకు, చెరువుల ఆక్రమణదారుల ఆట కట్టించేందుకు ఈ స్పెషల్ డ్రైవ్ కొనసాగుతుందని అధికారులు స్పష్టం చేశారు.
ఇది కూడా చదవండి..: MGBS Bus Fire| ఎంజీబీఎస్లో అగ్నిప్రమాదం.. ఆర్టీసీ బస్సు కింద మంటలు
