అక్షరటుడే, వెబ్డెస్క్: Thanjavur police inspector bribe | రక్షించాల్సిన భక్షకులైతే… న్యాయం అందించాల్సిన పీఠంపైనే అక్రమ దందాలు సాగితే? ఖాకీ డ్రెస్సుకు మరక తెచ్చేలా తమిళనాడులోని తంజావూరులో వెలుగుచూసిన ఓ ఘోర అవినీతి ఉదంతం తీవ్ర సంచలనం సృష్టిస్తోంది. పోలీస్ అధికారి సమక్షంలోనో ఏకంగా కోట్ల రూపాయల లంచం చేతులు మారిన వీడియో సోషల్ మీడియాలో వైరల్‌గా మారడం పోలీసు వ్యవస్థ తీరుపై తీవ్ర ఆగ్రహజ్వాలలు రగిలిస్తోంది.
Thanjavur police inspector bribe | అసలేం జరిగింది?
తంజావూరు Thanjavur లోని ఒక ప్రముఖ ప్రైవేట్ ఆసుపత్రి Hospital భాగస్వాముల (పార్టనర్స్) మధ్య కొంతకాలంగా తీవ్ర ఆర్థిక వివాదాలు నడుస్తున్నాయి. ఈ వివాదాన్ని సర్దుబాటు చేసి, తమకు అనుకూలంగా పరిష్కరించడానికి పోలీస్ ఇన్స్పెక్టర్ సుకుమారన్ జోక్యం చేసుకున్నట్లు తెలుస్తోంది. ఈ క్రమంలో సెటిల్‌మెంట్ కోసం ఏకంగా రూ.5 కోట్ల భారీ లంచం డిమాండ్ చేశారనే తీవ్ర ఆరోపణలు వెల్లువెత్తుతున్నాయి.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
Thanjavur police inspector bribe | వైరల్ వీడియోలో కళ్లు బైర్లు కమ్మే దృశ్యాలు..
తాజాగా నెట్టింట వైరల్ అవుతున్న వీడియోలో… సంచుల్లో తీసుకొచ్చిన రూ.500 నోట్ల కట్టలను టేబుల్‌పై గుట్టలుగా ఉంచడం స్పష్టంగా కనిపిస్తోంది. ఆసుపత్రి భాగస్వాములు డబ్బుల లెక్కల గురించి మాట్లాడుకుంటుండగా.. ఇన్స్పెక్టర్ సుకుమారన్ సమక్షంలోనే ఈ నగదు మార్పిడి జరగడం గమనార్హం.
కేవలం కిందిస్థాయి అధికారులే కాకుండా, ఉన్నతాధికారుల ఆదేశాలు, వారి అభయంతోనే ఈ స్థాయిలో కోట్ల రూపాయల లంచాల దందా నడిచిందనే ప్రచారం స్థానికంగా కలకలం రేపుతోంది.
Thanjavur police inspector bribe | చట్టం ముందుకు తేవాల్సిందే!
ప్రజలకు రక్షణగా నిలవాల్సిన రక్షకభటులే సెటిల్‌మెంట్ దందాలకు పాల్పడుతూ, నోట్ల మూటల మధ్య డీల్స్ కుదుర్చుకోవడం ప్రజాస్వామ్యానికే గొడ్డలిపెట్టు. సామాజిక మాధ్యమాల్లో ఈ వీడియో వైరల్ కావడంతో నెటిజన్లు, ప్రజలు తీవ్రస్థాయిలో మండిపడుతున్నారు. వ్యవస్థకే ముల్లులా మారిన ఇలాంటి అవినీతి అధికారులపై తక్షణమే విచారణ జరిపి, కఠిన చర్యలు తీసుకోవాలని డిమాండ్ చేస్తున్నారు.
