అక్షరటుడే, వెబ్డెస్క్: Tirupati Minor Assault | హైదరాబాద్కు చెందిన 16 ఏళ్ల ఇంటర్ విద్యార్థిని వేసవి సెలవుల సందర్భంగా తిరుపతిలో నివసిస్తున్న తన పిన్ని ఇంటికి వెళ్లగా, అక్కడ ఆమెపై సొంత బాబాయ్ లైంగిక దాడికి పాల్పడిన ఘటన వెలుగులోకి వచ్చింది. బాధితురాలి ఫిర్యాదుతో పోలీసులు కేసు నమోదు చేసి దర్యాప్తు చేపట్టారు.
Tirupati Minor Assault | సోషల్ మీడియాలో పెడతానని బెదిరిస్తూ
పోలీసుల వివరాల ప్రకారం.. నిందితుడు రామమూర్తి, బాలిక ఫొటోలను సోషల్ మీడియాలో పెడతానని బెదిరిస్తూ పలుమార్లు లైంగిక వేధింపులు, దాడులకు పాల్పడినట్లు ఆరోపణలు ఉన్నాయి. భయంతో ఈ విషయాన్ని కొంతకాలం పాటు బాలిక బయటకు చెప్పలేకపోయినట్లు సమాచారం.
Tirupati Minor Assault | జీరో ఎఫ్ఐఆర్ నమోదు చేసి..
ఇటీవల బాధితురాలు జరిగిన విషయాన్ని తన తల్లికి తెలియజేయడంతో ఆమె జగద్గిరిగుట్ట పోలీసులను ఆశ్రయించారు. ఫిర్యాదు స్వీకరించిన పోలీసులు జీరో ఎఫ్ఐఆర్ నమోదు చేసి, కేసును తిరుపతి ఈస్ట్ పోలీస్ స్టేషన్కు బదిలీ చేశారు.
ఈ ఘటనపై పోలీసులు నిందితుడు రామమూర్తిపై పొక్సో (POCSO) చట్టం కింద కేసు నమోదు చేశారు. ప్రస్తుతం నిందితుడు పరారీలో ఉండగా, అతడి కోసం ప్రత్యేక బృందాలతో గాలింపు చర్యలు కొనసాగుతున్నాయి.
ఈ ఘటన స్థానికంగా తీవ్ర కలకలం రేపింది. బాలికల భద్రతపై మరోసారి ఆందోళనలు వ్యక్తమవుతున్నాయి.
