అక్షరటుడే, వెబ్డెస్క్ : TOMCOM Job Scam | బీఆర్ఎస్ నాయకుడు ఆర్ఎస్ ప్రవీణ్కుమార్ సంచలన వ్యాఖ్యలు చేశారు. విదేశాల్లో ఉద్యోగాలు ఇప్పిస్తామని టామ్కామ్ పేరిట మంత్రి వివేక్ వెంకట్ స్వామి డబ్బులు వసూలు చేస్తున్నారని ఆరోపించారు.
ఆర్ఎస్ ప్రవీణ్కుమార్ (RS Praveen Kumar) గురువారం మీడియాతో మాట్లాడారు. నిరుద్యోగ యువతకు ఉపాధి, ఉద్యోగ అవకాశాలు కల్పించేందుకు విదేశాలకు పంపించాలనే ఉద్దేశంతో 2014లో TOMCOM ఏర్పాటు చేశారన్నారు. అయితే దానిని సైతం కాంగ్రెస్ ప్రభుత్వం నీరుగారుస్తోందని ఆరోపించారు. ఇటీవల జర్మనీలో ఉద్యోగాల కోసం ప్రకటన ఇచ్చారన్నారు. దీంతో వందలాది మంది నిరుద్యోగులు దరఖాస్తు చేసుకున్నారని పేర్కొన్నారు. ఉచితంగా కల్పించాల్సిన అవకాశాల కోసం ఒక్కో నిరుద్యోగి నుంచి రూ.4.10 లక్షలు వసూలు చేశారని ఆర్ఎస్ ప్రవీణ్ కుమార్ ఆరోపించారు.
TOMCOM Job Scam | మటన్ కొట్టిస్తున్నారు
జర్మనీలో ఉద్యోగాల కోసం 200 మంది దగ్గర డబ్బులు వసూలు చేశారన్నారు. అయితే 10 మందిని కూడా అక్కడికి పంపించలేదని ఆరోపించారు. ఓ యువకుడికి మెకాట్రానిక్స్ విభాగంలో ఉద్యోగం అని చెప్పి పంపించారని, తీరా అక్కడకు వెళ్లాక.. బీఫ్, మటన్, ఇతర మాంసం కట్ చేయాలని చెప్పారన్నారు. నిరుద్యోగులతో ప్రభుత్వం ఆడుకుంటుందోందని ఆగ్రహం వ్యక్తం చేవారు. మంత్రి వివేక్ తన కొడుకు వంశీకృష్ణను కూడా ఇలాగే పంపిస్తారా అని ప్రశ్నించారు.
ఇది కూడా చదవండి..: Dumping Yard | డంపింగ్ యార్డ్ తొలగించే వరకు పోరాటం : ఎంపీ ఈటల
