అక్షరటుడే, వెబ్డెస్క్: Zetwerk IPO | జెట్‌వర్క్ మాన్యూఫ్యాక్చరింగ్ లిమిటెడ్ కంపెనీని 2017లో స్థాపించారు. ఇది టెక్నాలజీ బేస్‌డ్ గ్లోబల్ మాన్యూఫ్యాక్చరింగ్ ప్లాట్‌ఫాం. కస్టమ్ మరియు భారీస్థాయి ఉత్పత్తి అవసరాల కోసం పారిశ్రామిక మరియు వినియోగదారు సంస్థలను గ్లోబల్ మ్యానుఫ్యాక్చరింగ్ భాగస్వాముల నెట్‌వర్క్‌తో అనుసంధానించే ఒక మేనేజ్డ్ మార్కెట్‌ప్లేస్‌గా పనిచేస్తుంది.
ఇది ఎలక్ట్రానిక్స్, పునరుత్పాదక శక్తి, ఏరోస్పేస్ మరియు డిఫెన్స్, క్యాపిటల్ గూడ్స్, మరియు ప్రెసిషన్ మాన్యూఫ్యాక్చరింగ్ వంటి కీలక రంగాలలో వినూత్న స్టార్టప్‌ల నుంచి పరిణతి చెందిన కంపెనీల వరకు సేవలందిస్తోంది. 25కు పైగా దేశాలలో ఉనికిని కలిగి ఉన్న ఈ కంపెనీకి.. భారతదేశం (India)తోపాటు యునైటెడ్ స్టేట్స్, మెక్సికో అంతటా 20కి పైగా తయారీ కేంద్రాలను కూడా నిర్వహిస్తోంది.
Zetwerk IPO | రూ. 5,012.33 కోట్ల ఐపీవో..
మార్కెట్ నుంచి రూ. 5,012.33 కోట్లు సమీకరించాలన్న లక్ష్యంతో జెట్‌వర్క్ మాన్యూఫ్యాక్చరింగ్ లిమిటెడ్ కంపెనీ ఐపీవోకు వచ్చింది. ఫ్రెష్ ఇష్యూ ద్వారా రూ. 1 ఫేస్ వ్యాల్యూ కలిగిన 18,74,82,119 షేర్లను విక్రయించడం ద్వారా రూ. 2,830 కోట్లు, ఆఫర్ ఫర్ సేల్ కింద 14,45,25,036 షేర్లను విక్రయించి రూ. 2,182 కోట్లు సమీకరించనున్నారు. ఐపీవో ద్వారా వచ్చిన ఆదాయాన్ని కంపెనీ తీసుకున్న రుణాలను పూర్తిగా లేదా పాక్షికంగా చెల్లించడం కోసం, సాధారణ కార్పొరేట్ అవసరాల కోసం వినియోగించనున్నారు.
Zetwerk IPO | ప్రైస్ బ్యాండ్..
కంపెనీ ఒక్కో ఈక్విటీ షేరు ధరను రూ. 143 నుంచి రూ. 151 గా నిర్ణయించింది. ఒక లాట్ లో 99 షేర్లున్నాయి. రిటైల్ ఇన్వెస్టర్లు కనీసం ఒక లాట్ కోసం గరిష్ట ప్రైస్ బ్యాండ్ వద్ద రూ. 14,949 తో బిడ్ దాఖలు చేయాల్సి ఉంటుంది.
కోటా : ఐపీవోలో క్యూఐబీలకు 75 శాతం, ఎన్ఐఐలకు 15 శాతం, రిటైల్ ఇన్వెస్టర్లకు 10 శాతం వాటాను కేటాయించారు.
జీఎంపీ : జెట్‌వర్క్ మాన్యూఫ్యాక్చరింగ్ లిమిటెడ్ కంపెనీ షేర్లకు గ్రే మార్కెట్ ప్రీమియం రూ. 21 గా ఉంది. అంటే ఐపీవో అలాట్ అయినవారికి లిస్టింగ్ సమయంలో 14 శాతం వరకు లాభాలు వచ్చే అవకాశాలు ఉన్నాయి.
ఐపీవో తేదీలు : ఐపీవో సబ్‌స్క్రిప్షన్ అక్టోబర్ 15 న ప్రారంభమైంది. అక్టోబర్ 19 వరకు అందుబాటులో ఉంటుంది. షేర్ల అలాట్‌మెంట్ స్టేటస్ 21న రాత్రి వెల్లడయ్యే అవకాశాలున్నాయి. కంపెనీ షేర్లు అక్టోబర్ 23న బీఎస్ఈ, ఎన్ఎస్ఈలలో లిస్ట్ అవుతాయి.
ఇది కూడా చదవండి..: Indian Stock Market | బ్లూ చిప్స్ స్టాక్స్‌లో దూకుడు.. పరుగులు తీస్తున్న దేశీయ సూచీలు
