అక్షరటుడే, హైదరాబాద్: Future City Telangana | ప్రపంచానికే తలమానికంగా ఉండేలా ‘‘ఫ్యూచర్ సిటీ’’ నిర్మాణం జరుగుతోందని మంత్రులు శ్రీనివాస్ రెడ్డి, డి.శ్రీధర్ బాబు తెలిపారు. “ఫ్యూచర్ సిటీ” ప్రాజెక్టు ప్రాంతంలో గురువారం పర్యటించారు. నిర్మాణంలో ఉన్న ఫ్యూచర్ సిటీ డెవలప్మెంట్ అథారిటీ కార్యాలయ భవనం (ఎఫ్సీడీఏ), యంగ్ ఇండియా స్కిల్స్ యూనివర్సిటీ నిర్మాణ పనులను పరిశీలించి అధికారులతో సమీక్ష నిర్వహించారు.
Future City Telangana | గ్లోబల్ సిటీగా తీర్చిదిద్దే దిశగా..
మంత్రులు మాట్లాడుతూ.. ముఖ్యమంత్రి రేవంత్ రెడ్డి దూరదృష్టి నాయకత్వంలో తెలంగాణ ప్రభుత్వం అత్యంత ప్రతిష్టాత్మకంగా చేపట్టిన “ఫ్యూచర్ సిటీ” ప్రాజెక్టును ప్రపంచ స్థాయి గ్లోబల్ సిటీగా తీర్చిదిద్దే దిశగా వేగంగా ముందుకు సాగుతోందన్నారు. ఎఫ్సీడీఏ కార్యాలయ ప్రారంభోత్సవానికి సంబంధించిన తేదీల పై గౌరవ ముఖ్యమంత్రి గారితో చర్చించి త్వరలో నిర్ణయం తీసుకుంటామని తెలిపారు. ఫ్యూచర్ సిటీ డెవలప్మెంట్ అథారిటీ (ఎఫ్సీడీఏ) కార్యాలయ ప్రారంభోత్సవాన్ని కి సంబంధించిన తేదీల పై గౌరవ ముఖ్యమంత్రి గారితో చర్చించి త్వరలో నిర్ణయం తీసుకుంటామని తెలిపారు.
Future City Telangana | అంతర్జాతీయ ప్రమాణాలకు అనుగుణంగా..
ఫ్యూచర్ సిటీలో ప్రతి నిర్మాణం అంతర్జాతీయ ప్రమాణాలకు అనుగుణంగా ఉండేలా ప్రభుత్వం స్పష్టమైన కార్యాచరణతో పనిచేస్తోందని పొంగులేటి తెలిపారు. ఇది రాబోయే తరాలకు ఆధునిక తెలంగాణ నిర్మాణానికి నాంది పలుకుతుందని వివరించారు. భవిష్యత్తులో ప్రపంచవ్యాప్తంగా ప్రభావం చూపే నగరంగా ఫ్యూచర్ సిటీ ఎదగాలన్నదే ప్రభుత్వ సంకల్పమని ఆయన వెల్లడించారు.
Future City Telangana | కమిషనరేట్ ఏర్పాటు ప్రక్రియ ప్రారంభం
పోలీస్ కమిషనరేట్ ఏర్పాటు ప్రక్రియ ప్రారంభమైందని మంత్రి వివరించారు. గ్లోబల్ ప్రెజెన్స్ కలిగిన అనేక ప్రభుత్వ కార్యాలయాలను కూడా ఇక్కడి నుంచే నిర్వహించేలా ప్రణాళికలు రూపొందిస్తున్నామని పేర్కొన్నారు. యువతకు ప్రపంచ స్థాయి నైపుణ్యాలు అందించాలనే లక్ష్యంతో “యంగ్ ఇండియా స్కిల్స్ యూనివర్సిటీ” ఏర్పాటు చేసినట్లు మంత్రి చెప్పారు. ఫ్యూచర్ సిటీ డెవలప్మెంట్ అథారిటీ కమిషనర్ కె.శశాంక, మహేశ్వరం డీసీపీ కె.నారాయణ రెడ్డి, ఐపీఎస్, సంబంధిత అధికారులు, ప్రజాప్రతినిధులు తదితరులు పాల్గొన్నారు.
ఇది కూడా చదవండి..: Samagra Sanksema Card | ప్రతి ఒక్కరికి ‘సమగ్ర సంక్షేమ కార్డు’ : సీఎం రేవంత్
