అక్షరటుడే, వెబ్డెస్క్ : Arunachalam Incident | అరుణచలం గిరి ప్రదక్షిణ దారిలో ఘోరం జరిగింది. ఇద్దరు యువతులపై కొందరు సామూహిక అత్యాచారానికి పాల్పడ్డారు. అంతేగాకుండా వారి వీడియోలు తీసి బ్లాక్ మెయిలింగ్ చేశారు.
తమిళనాడు (Tamil Nadu)లోని అరుణచలం క్షేత్రాన్ని నిత్యం వేలాది మంది దర్శించుకుంటున్నారు. అక్కడ గిరి ప్రదక్షిణ చేస్తే పుణ్యం వస్తుందని భక్తుల విశ్వాసం. దాదాపు 14 కిలోమీటర్లు నడుస్తారు. ఆ సమయంలో భక్తులు పలు గ్రామాలు, అటవీ ప్రాంతం మీదుగా వెళ్లాల్సి ఉంటుంది. ఈ సమయంలో కొందరు రెచ్చిపోతున్నారు. గతంలో పలువురిపై దాడులకు పాల్పడ్డారు. తెలంగాణకు చెందిన ఓ భక్తుడిని దుండగులు హత్య చేశారు. తాజాగా ఇద్దరు యువతులపై గ్యాంగ్రేప్కు పాల్పడ్డారు.
Arunachalam Incident | ఒకే ముఠా
తమిళనాడులోని ధర్మపురికి చెందిన ఓ వివాహిత తన స్నేహితులతో కలిసి గిరిప్రదక్షిణకు గత నెల 30న వచ్చింది. ఆమె స్నేహితులు గిరి ప్రదక్షిణ పూర్తి చేసుకుని తిరుగు ప్రయాణం కాగా.. ఆ మహిళ, ఆమె స్నేహితుడు వాహనం ఆపి మాట్లాడుతున్నారు. ఆ సమయంలో కొందరు దుండగులు ఆయుధాలతో వారి వద్దకు వచ్చారు. వారిని బెదిరించి వివాహితను అటవీప్రాంతానికి తీసుకెళ్లి అత్యాచారం చేశారు. ఇద్దరి దుస్తులు తీసేసి నగ్నంగా వీడియోలు తీసి పారిపోయారు. అనంతరం ఆ వీడియోలు పంపి రూ.లక్ష పంపాలని ముఠా సభ్యులు డిమాండ్ చేశారు. దీంతో బాధితురాలు పోలీసులకు ఫిర్యాదు చేసింది.
Arunachalam Incident | మరో యువతిపై..
తిరువణ్ణామలై మున్సిపాలిటీ ప్రాంతానికి చెందిన 23 ఏళ్ల యువతి గిరి ప్రదక్షిణ చేస్తుండగా అలసిపోయి అడిఅన్నామలై గ్రామం వద్ద కూర్చుంది. తన స్నేహితుడిని అక్కడకు రావాలని పిలిచింది. అనంతరం ఇద్దరు ఓ హోటల్లో టిఫిన్ పార్సిల్ తీసుకుని వెళ్లి తింటుండగా ఓ ముఠా ఇద్దరినీ బెదిరించింది. అడవిలోకి తీసుకెళ్లి యవతిపై అత్యాచారానికి పాల్పడింది. యువతి చెవికి ఉన్న బంగారు కమ్మలు తీసుకోవడంతో పాటు వారిని నగ్నంగా వీడియో తీసి అక్కడ నుండి దుండగులు పారిపోయారు. బాధితురాలు ఈ ఘటనపై పోలీసులకు ఫిర్యదు చేసింది.
Arunachalam Incident | ప్రత్యేక బృందాలతో..
ప్రముఖ పుణ్యక్షేత్రం అరుణాచలంలో ఇద్దరిపై గ్యాంగ్ రేప్ జరగడంతో పోలీసులు సీరియస్గా తీసుకున్నారు. నిందితుల కోసం ప్రత్యేక బృందాలతో గాలించారు. మొత్తం 11 మంది నిందితులను గుర్తించారు. అందులో 8మందిని అరెస్ట్ చేశారు. నిందితులను వాసుదేవన్, ఆకాష్, అశ్వనాథశురనై, అప్పు, హరిహరన్, శర్మ, అరుణ్ కుమార్, శివగణేశన్గా గుర్తించారు. వీరితో పాటు ఓ బాలుడిని సైతం అదుపులోకి తీసుకున్నారు. మరో ముగ్గురు నిందితుల కోసం గాలిస్తున్నారు.
దీనిని కూడా చదవండి : Chain Snatcher Arrest | ఈ చైన్ స్నాచర్ మామూలోడు కాదు సుమా.. 180 కేసుల్లో నిందితుడు!
