అక్షరటుడే, వెబ్డెస్క్: Kochi Car Accident | కేరళ (Kerala)లోని కొచ్చిన్లో ఆదివారం తెల్లవారుజామున జరిగిన ప్రమాదంలో ముగ్గురు మరణించారు. మద్యం మత్తులో ఉన్న 19 ఏళ్ల యువకుడు మినీ కూపర్తో ఒక బైక్ను ఢీకొట్టాడు.
ఈ ప్రమాదంలో వయనాడ్‌కు చెందిన దేవిక (21), పాలక్కాడ్‌కు చెందిన గోపిక (22) దక్షిణ కన్నడ ప్రాంతానికి చెందిన ఇజాజ్ (21)గా గుర్తించారు. ముగ్గురు ఒకే బైక్పై వెళ్తుండగా.. అతివేగంగా వచ్చిన కారు ఢీకొంది. దీంతో వారు అక్కడికక్కడే మృతి చెందారు. అనంతరం స్థానికులు కారు నడుపుతున్న వ్యక్తిని పట్టుకున్నారు. అతడిని సుహైల్ సజీవ్ (19)గా గుర్తించారు.
Kochi Car Accident |పశ్చాత్తాపం లేకుండా..
నిందితుడు ప్రమాదం అనంతరం కనీసం పశ్చాత్తాపం లేకుండా మాట్లాడాడు. ముగ్గురు చనిపోతే.. కనీసం బాధ పడకుండా ఈ విషయాన్ని తన తండ్రి చూసుకుంటాడని నిర్లక్ష్యంగా సమాధానం చెప్పాడు. ప్రమాద సమయంలో నిందితుడు మద్యం తాగినట్లు తేలింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. కాగా నిందితుడు అతివేగంగా కారు నడిపిన వీడియోలను ఇన్స్టాగ్రామ్లో అప్లోడ్ చేశారు. అతడు తరచూ నిర్లక్ష్యంగా డ్రైవింగ్ చేసినట్లు పోలీసులు గుర్తించారు. ఇలాంటి వారిపై కఠిన చర్యలు తీసుకోవాలని ప్రజలు కోరుతున్నారు.
ఇది కూడా చదవండి..: INS Mangrol | భారత అమ్ముల పొదిలో చేరిన ‘ఐఎన్‌ఎస్ మంగ్రోల్’
