అక్షరటుడే, నిజామాబాద్ అర్బన్: Nizamabad Medical College | జిల్లా కేంద్రంలోని మెడికల్ కళాశాలలో (Medical College) విద్యార్థినిపై లైంగిక వేధింపుల ఘటన కలకలం రేపింది. సదరు విద్యార్థిని ఈ వేధింపులు తాళలేక ఆత్మహత్యాయత్నం చేసినట్లు తెలుస్తోంది. దీంతో పోలీసులు సదరు వైద్యుడిపై కేసు నమోదు చేసి దర్యాప్తు చేస్తున్నారు.
Nizamabad Medical College | సామాజిక మాధ్యమాల ద్వారా..
ఒకటో టౌన్ ఎస్హెచ్వో రఘుపతి తెలిపిన వివరాల ప్రకారం.. నగరంలోని మెడికల్ కళాశాలకు అనుబంధంగా ఉన్న నర్సింగ్ కళాశాలలో (Nursing College) చదువుతున్న విద్యార్థినిని ట్యూటర్గా పనిచేస్తున్న గౌతం లైంగిక వేధింపులకు పాల్పడ్డాడు. వాట్సప్, ఇన్స్టాగ్రామ్లలో మెసేజ్లతో వేధించడంతో మనస్తాపానికి గురైన ఆ విద్యార్థిని నిద్రమాత్రలు మింగి ఆత్మహత్యాయత్నం చేసింది. వెంటనే స్పందించిన తోటి విద్యార్థినులు ఆమెను చికిత్స నిమిత్తం జీజీహెచ్కు (GGH) తరలించారు. అనంతరం సమాచారం అందుకున్న పోలీసులు విచారణ జరిపి సదరు ట్యూటర్ గౌతంపై కేసు నమోదు చేశారు.
అయితే గౌతం ప్రస్తుతం పరారీలో ఉన్నాడని త్వరలోనే అరెస్ట్ చేస్తామని ఎస్హెచ్వో రఘుపతి (Nizamabad Police) తెలిపారు. నిందితుడి కోసం గాలిస్తున్నట్లు తెలిపారు. ఈ విషయమై మెడికల్ కళాశాల ప్రిన్సిపాల్ కృష్ణ మోహన్ మాట్లాడుతూ.. బాధితురాలు పిర్యాదు చేసిన వెంటనే స్పందించామన్నారు. ట్యూటర్ గౌతంను పూర్తిగా విధుల్లోంచి తొలగించామని తెలిపారు. విద్యార్థినులు వేధింపులకు గురైతే తక్షణమే తమను సంప్రదించాలని సూచించారు. ర్యాగింగ్, వేధింపుల నిరోధానికి డిసిప్లినరీ యాక్షన్ కమిటీ(Disciplinary Action Committee) పనిచేస్తోందని.. మెడికల్ కళాశాలలో ఇలాంటి ఘటన జరగడం బాధాకరమన్నారు.
ఇది కూడా చదవండి: OYO Room Inspections | ఓయో రూముల్లో సీపీ తనిఖీలు..
