అక్షరటుడే, వెబ్డెస్క్ : OYO Room Inspections | హైదరాబాద్ (Hyderabad) నగరంలో శాంతి భద్రతల పరిరక్షణతో పాటు అసాంఘిక కార్యకలాపాల నివారణకు పోలీసులు చర్యలు చేపట్టారు. ఈ మేరకు ప్రత్యేక తనిఖీలు కొనసాగిస్తున్నారు.
నగరంలోని ఓయో రూమ్లు, హోటళ్లలో సీపీ సజ్జనార్ (CP Sajjanar) ఆధ్వర్యంలో పోలీసులు తనిఖీలు చేశారు. ఎస్.ఆర్ నగర్, అమీర్పేట ప్రాంతాల్లోని ఓయో రూమ్స్ల్లో తనిఖీలు చేశారు. సిటీలోని అనేక ప్రాంతాల్లో తనిఖీలు చేపట్టి నిర్వాహకులకు సూచనలు చేశారు.
OYO Room Inspections | 5 వేల మంది సిబ్బందితో..
హైదరాబాద్ వ్యాప్తంగా ఉన్న ఓయో రూమ్లు, లాడ్జిలలో నిన్న రాత్రి 5 వేల మంది పోలీసుల ఆకస్మిక తనిఖీలు చేశారు. ‘ఆపరేషన్ కవచ్’ (Operation Kavach)లో భాగంగా నగర సీపీ సజ్జనార్ నేతృత్వంలో హోటల్స్ రికార్డులు, కస్టమర్ల వివరాలు, భద్రతా ప్రమాణాల పరిశీలించారు. అసాంఘిక కార్యకలాపాలను అరికట్టడానికి భారీ ఆపరేషన్ చేపట్టారు. ఓయో రూమ్స్కు వెళ్లేవారు తప్పనిసరిగా సరైన ఐడీలను వెంట ఉంచుకోవాలని సూచించారు. నిబంధనలు పాటించని వారిని హెచ్చరించారు.
OYO Room Inspections | వరుస తనిఖీలు
హైదరాబాద్ పోలీసులు (Hyderabad Police) నిత్యం తనిఖీలు చేపడుతున్నారు. మల్కాజ్గిరి కమిషనరేట్ పరిధిలో శుక్రవారం ఏకకాలంలో అనేక స్పా సెంటర్లపై దాడులు చేశారు. స్పా సెంటర్ల పేరుతో వ్యభిచారం నిర్వహిస్తున్న వారిని అరెస్ట్ చేశారు. అలాగే రాత్రిపూట ఆపరేషన్ కవచ్ పేరిట వాహనాల తనిఖీ, నాకాబందీ చేపడుతున్నారు. తాజాగా ఓయో రూముల్లో తనిఖీలు చేశారు. కాగా ఓయో రూముల్లో అసాంఘిక కార్యకలాపాలకు అడ్డాగా మారాయనే విమర్శల నేపథ్యంలో తనిఖీలు చేశారు.
Hyderabad Police 🚨|
హైదరాబాద్ సిటీలోని ఓయో రూమ్స్, లాడ్జిలలో తనిఖీలు చేసిన సీపీ సజ్జనార్.
ఎస్.ఆర్ నగర్, అమీర్పేట్ ప్రాంతాల్లోని Oyo రూమ్స్లలో ఆకస్మిక తనిఖీలు..
సిటీలోని అనేక ప్రాంతాల్లో తనిఖీలు చేపట్టి నిర్వాహకులకు సూచనలు చేసిన పోలీసులు.#oyorooms #hyderabadhotels… pic.twitter.com/GlFoOiCR12
— Akshara Today | Telugu News (@aksharatoday) June 6, 2026
ఇది కూడా చదవండి..: HYDRAA Fire Safety | అగ్ని ప్రమాదాల నివారణపై హైడ్రా దృష్టి
