అక్షరటుడే, వెబ్డెస్క్ : Stock Market Crash | పశ్చిమాసియాలో తిరిగి తలెత్తిన ఉద్రిక్తతలు, ముడి చమురు ధరల పెరుగుదల నేపథ్యంలో ఆసియా మార్కెట్లు తీవ్ర ఒత్తిడికి గురయ్యాయి. దీని ప్రభావం భారత స్టాక్ మార్కెట్ (Stock Market)పైనా కనిపించింది.
సోమవారం భారీ నష్టాలతో ముగిసింంది. అమెరికాలో ఊహించిన దానికంటే మే నెల జాబ్ డేటా బాగా రావడంతో ఫెడరల్ రిజర్వ్ వడ్డీ రేట్లను పెంచుతుందనే భయాలతోనూ మార్కెట్లో అమ్మకాలు వెల్లువెత్తాయి.
Stock Market Crash | భారీ గ్యాప్ డౌన్లో ప్రారంభం..
దేశీయ స్టాక్ మార్కెట్ (Domestic stock market) సోమవారం భారీ నష్టాలతో ప్రారంభమైంది. ఉదయం సెన్సెక్స్ 822 పాయింట్ల నష్టంతో ప్రారంభమై మరో 103 పాయింట్లు తగ్గింది. ఇంట్రాడే కనిష్టాల వద్ద లభించిన కొనుగోళ్ల మద్దతుతో కోలుకుని 616 పాయింట్లు పైకి ఎగబాకింది. నిఫ్టీ 286 పాయింట్ల నష్టంతో ప్రారంభమై మరో 10 పాయింట్లు తగ్గింది. అక్కడినుంచి 197 పాయింట్లు పెరిగింది. చివరికి సెన్సెక్స్ 719 పాయింట్ల నష్టంతో 73,524 వద్ద, నిఫ్టీ 243 పాయింట్ల నష్టంతో 23,123 వద్ద స్థిరపడ్డాయి.
Stock Market Crash | అన్ని సెక్టార్లలో సెల్లాఫ్..
అన్ని రంగాల షేర్లపై అమ్మకాల ఒత్తిడి కనిపించింది. నిఫ్టీ రియాలిటీ ఇండెక్స్ 2.56 శాతం, మెటల్ ఇండెక్స్ 2.33 శాతం, టెలికాం 2.28 శాతం, క్యాపిటల్ గూడ్స్ ఇండెక్స్ 1.98 శాతం, ఆటో 1.85 శాతం, మీడియా ఇండెక్స్ 1.71 శాతం, పవర్ 1.69 శాతం, ఎనర్జీ 1.57 శాతం, ఆయిల్ అండ్ గ్యాస్ 1.57 శాతం, కన్జూమర్ డ్యూరెబుల్స్ 1.40 శాతం నష్టపోయాయి.
Stock Market Crash | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 1,249 కంపెనీలు లాభపడగా 3,117 స్టాక్స్ నష్టపోయాయి. 171 కంపెనీలు ఫ్లాట్గా ముగిశాయి. 145 కంపెనీలు 52 వారాల గరిష్టాల వద్ద ఉండగా.. 111 కంపెనీలు 52 వారాల కనిష్టాల వద్ద కదలాడాయి.
Top Gainers : బీఎస్ఈ సెన్సెక్స్లో 7 స్టాక్ లాభపడగా.. 23 కంపెనీలు నష్టాలతో ముగిశాయి. పవర్గ్రిడ్ 1.79 శాతం, టెక్ మహీంద్రా 1.35 శాతం, బీఈఎల్ 1.20 శాతం, ఎయిర్టెల్ 0.93 శాతం, ఎస్బీఐ 0.42 శాతం లాభపడ్డాయి.
Top Losers : ఎటర్నల్ 3.24 శాతం, ఇండిగో 2.61 శాతం, ఎంఅండ్ ఎం 2.51 శాతం, రిలయన్స్ 2.13 శాతం, టీసీఎస్ 2.13 శాతం నష్టపోయాయి.
ఇది కూడా చదవండి..: Tata EV Offers | టాటా ఈవీలపై భారీ ఆఫర్లు..
