అక్షరటుడే, నిజామాబాద్ సిటీ : RTA Transparency Measures | రవాణాశాఖ (Transport Department) కార్యాలయంలో పారదర్శకంగా సేవలు అందించేందుకు కృషి చేస్తామని.. కార్యాలయంలో ఎలాంటి పనులు ఉన్నా నేరుగా సంప్రందించాలని డీటీసీ రమేష్ రాథోడ్ పేర్కొన్నారు. జిల్లాకు కొత్తగా బదిలీపై వచ్చిన ఆయనతో ‘అక్షరటుడే’ ఇంటర్వ్యూ.
RTA Transparency Measures | జిల్లాలో..
జిల్లాలో స్కూల్ బస్సులు 841, ప్రైవేట్ బస్సులు 218 ఉన్నాయని డీటీసీ తెలిపారు. టూవీలర్లు 3,88,982, ఆటోలు 28,959 ఉన్నాయని.. అయితే స్కూల్ బస్సుల్లో ఇప్పటివరకు 595 ఫిట్నెస్ పూర్తి చేసుకున్నాయని.. జిల్లావ్యాప్తంగా ప్రస్తుతం స్కూళ్లు ప్రారంభం కానున్నందున వాటిపైనే ఎక్కువగా ఫోకస్ చేస్తున్నామన్నారు. ప్రతి ప్రైవేట్ స్కూల్ బస్సు (Private school bus) తప్పనిసరిగా ఫిట్నెస్ చేయించుకోవాలని సూచించారు. ఫిట్నెస్ లేని బస్సులు రోడ్లపై తిరిగితే ఎట్టి పరిస్థితుల్లో ఉపేక్షించేది లేదని.. చట్టప్రకారం చర్యలు తీసుకుంటామని ఆయన హెచ్చరించారు.
RTA Transparency Measures | ఏజెంట్లకు కార్యాలయంలో పనిలేదు..
ఆర్టీఏ సేవలు పూర్తి పారదర్శకంగా అందజేస్తామని డిప్యూటీ ట్రాన్స్పోర్ట్ కమిషనర్ తెలియజేశారు. ఎలాంటి సమస్య ఉన్నా తమ కార్యాలయ సిబ్బందిని సంప్రదించాలని, ఆన్లైన్ వెబ్సైట్లో కూడా వివరాలు పొందుపర్చామని వివరించారు. ఏజెంట్లను సంప్రదించి నష్టపోవద్దన్నారు. వారికి కార్యాలయంలో పని లేదని స్పష్టం చేశారు. వాహనాలకు సంబంధించిన రిజిస్ట్రేషన్లు సైతం ‘వాహన్’ వెబ్సైట్లో జరుగుతున్నాయని పేర్కొన్నారు. ఆర్టీఏ నిజామాబాద్ (Nizamabad) ఆధ్వర్యంలో ప్రమాదాల నివారణకు గతంలో వాహనదారులకు అనేక అవగాహన కార్యక్రమాలు నిర్వహించామని తెలిపారు. అలాగే రాబోయే రోజుల్లోనూ ప్రణాళికతో ముందుకు వెళ్తామన్నారు. వర్షాకాలంలో వాహన ప్రమాదాలు ఎక్కువగా జరిగే అవకాశాలుంటాయని.. వాహదారులు అప్రమత్తంగా ఉండాలన్నారు.
RTA Transparency Measures | ప్రమోషన్లలో సిబ్బంది వచ్చే అవకాశం
జిల్లా ఆర్టీఏలో ముగ్గురు ఎంవీఐలు, ఐదుగురు ఏఎంవీఐలు ఉండాల్సి ఉందని డీటీసీ తెలిపారు. అయితే ప్రమోషన్లలో భాగంగా సిబ్బంది వచ్చే అవకాశాలు ఉన్నాయని వివరించారు. జిల్లాలో పోలీస్శాఖతో సమన్వయంతో తనిఖీలు నిర్వహిస్తామన్నారు. వాహనదారులు తమ పెండింగ్ చలాన్లను ఎప్పటికప్పుడు క్లియర్ చేసుకోవాలని సూచించారు.
ఇది కూడా చదవండి..: Nizamabad Development Works | ప్రతి డివిజన్లో మెరుగైన సౌకర్యాల కల్పనకు కృషి : మేయర్ ఉమారాణి
