అక్షరటుడే, బాన్సువాడ: Banswada Police | మండలంలోని (Banswada) బోర్లం గ్రామ శివారులో పేకాట నిర్వహిస్తున్న స్థావరంపై పోలీసులు మెరుపుదాడి చేశారు. ఈ మేరకు పలువురిని అదుపులోకి తీసుకున్నారు.
Banswada Police | పక్కా సమాచారం మేరకు..
పోలీసులు తెలిపిన వివరాల ప్రకారం.. బోర్లం(borlam) శివారులోని ఓ ప్రాంతంలో పేకాట ఆడుతున్నారనే పక్కా సమాచారం మేరకు పోలీసులు ఆ స్థలంపై దాడి చేశారు. పలువురిని అదుపులోకి తీసుకున్నారు. వారి వద్ద నుంచి రూ.56,430 నగదు, ఐదు సెల్ఫోన్లు, రెండు మోటార్సైకిళ్లను స్వాధీనం చేసుకున్నట్లు బాన్సువాడ (Police station) సీఐ శ్రీధర్ తెలిపారు. అనంతరం ఆయన మాట్లాడుతూ.. ప్రజల ప్రశాంత జీవనానికి భంగం కలిగించే జూదం, అక్రమ కార్యకలాపాలపై ప్రత్యేక నిఘా కొనసాగుతుందన్నారు. బాన్సువాడ పట్టణ, మండల ప్రజలు ఎక్కడైనా పేకాట లేదా ఇతర అక్రమ కార్యకలాపాలు జరుగుతున్నట్లు సమాచారం ఉంటే వెంటనే పోలీసులకు తెలియజేయాలని కోరారు. సమాచారం అందించిన వారి వివరాలను పూర్తిగా గోప్యంగా ఉంచుతామని హామీ ఇచ్చారు.
ఇది కూడా చదవండి: Singareni Achievement | సింగరేణి అరుదైన ఘనత.. డోర్లీ–2 గనిలో అడవిని పెంచిన సంస్థ
