June 12 Gold Prices | నగలు ఖరీదు చేయాలనుకునే వారికి, పసిడిపై ఇన్వెస్ట్మెంట్ చేసేవారికి గుడ్ న్యూస్. గత కొంతకాలంగా ఆకాశంలో దూసుకుపోయిన బంగారం ధర.. రికార్డు స్థాయిలో తగ్గుముఖం పట్టింది.
రోజురోజుకు రూ. వేలల్లో ధరలు దిగి వస్తుండటంతో సామాన్యుల్లో ఆశలు చిగురిస్తున్నాయి. దేశీయంగా జూన్ 12న బంగారం, వెండి ధరలు భారీగా తగ్గాయి. కేవలం మూడు రోజుల వ్యవధిలోనే తులం బంగారంపై రూ.7,500 వరకు ధర తగ్గడం విశేషం.
June 12 Gold Prices | ప్రధాన నగరాల్లో..
దేశంలోని ప్రధాన నగరాలైన హైదరాబాద్, ముంబయి, బెంగళూరులలో గోల్డ్ ధరలు ఒకే రకంగా ట్రేడవుతున్నాయి. నగల తయారీకి వినియోగించే 22 క్యారెట్ల బంగారం ధర 10 గ్రాముల (తులం) కు రూ.1,33,490 వద్ద కొనసాగుతోంది.
అత్యంత స్వచ్ఛమైన 24 క్యారెట్ల మేలిమి బంగారం ధర 10 గ్రాములకు రూ.1,45,630 వద్ద ట్రేడవుతోంది. తెలుగు రాష్ట్రాల్లోని విశాఖపట్నం, విజయవాడ వంటి నగరాల్లోనూ ఇవే ధరలు అమల్లో ఉన్నాయి.
దేశ రాజధాని ఢిల్లీలో ధరలు స్వల్పంగా ఎక్కువగా ఉన్నాయి. ఇక్కడ 22 క్యారెట్ల తులం పసిడి ధర రూ.1,33,640 వద్ద ట్రేడవుతుండగా, 24 క్యారెట్ల ధర తులానికి రూ.1,45,780 వద్ద కొనసాగుతోంది.
దక్షిణ భారతదేశంలోనే అతిపెద్ద మార్కెట్గా విరాజిల్లుతున్న చెన్నైలో బంగారం ధరలు కాస్త ఎక్కువగానే ఉన్నాయి. ఇక్కడ 22 క్యారెట్ల 10 గ్రాముల పసిడి ధర రూ.1,34,990 పలుకుతోంది. 24 క్యారెట్ల గోల్డ్ ధర రూ.1,47,270 వద్ద ట్రేడవుతోంది. స్థానికంగా పన్నులు, రవాణా ఖర్చులు, ఇతర కారణాల వల్ల ధరల్లో ఈ స్వల్ప తేడాలు కనిపిస్తున్నాయి.
June 12 Gold Prices |
వెండి కూడా బులియన్ మార్కెట్లో ఒడుదుడుకులను ఎదుర్కొంటోంది. కాగా, ఉత్తరాది నగరాలతో పోలిస్తే దక్షిణాది రాష్ట్రాల్లో వెండి ధరలు మరింత ప్రియంగా ఉన్నాయి. హైదరాబాద్, చెన్నై, విజయవాడ, కేరళ రాష్ట్రంలో కిలో వెండి రూ.2,59,900 వద్ద కొనసాగుతోంది.
అదే సమయంలో ఢిల్లీ, బెంగళూరు, ముంబయి, ఇతర ఉత్తరాది ప్రాంతాలలో కిలో వెండి రూ.2,49,900 వద్ద ట్రేడవుతోంది. ఈ లెక్కన దక్షిణాది నగరాల్లో కిలో వెండిపై సుమారు రూ.10,000 అదనంగా ఉందన్నమాట.
