అక్షరటుడే, కామారెడ్డి: Seethakka Kamareddy tour | రాష్ట్ర పంచాయతీరాజ్ శాఖ మంత్రి సీతక్క (Minister Seethakka) నేడు కామారెడ్డి పట్టణానికి రానున్నారు. ఈ మేరకు మంత్రి పర్యటనకు సంబంధించిన షెడ్యూల్ అధికారులు ఖరారు చేశారు.
మధ్యాహ్నం 12:30 గంటలకు హైదరాబాద్ (Hyderabad) నుంచి మంత్రి సీతక్క బయలుదేరనున్నారు. మధ్యాహ్నం 2:30 గంటలకు కామారెడ్డికి చేరుకుని జిల్లా పోలీసు కార్యాలయ సమీపంలో గల సఖి కేంద్రాన్ని మంత్రి ప్రారంభించనున్నారు.
Seethakka Kamareddy tour | అధికారులతో సమీక్ష
కలెక్టరేట్ కార్యాలయం (Collectorate Office)లో మధ్యాహ్నం మూడు గంటలకు అధికారులతో మంత్రి సమీక్ష సమావేశం నిర్వహించనున్నారు. వికలాంగులకు సహాయ పరికరాలను పంపిణీ చేయనున్నారు. 64 రిట్రోఫీటెడ్ స్కూటీలు, 8 బ్యాటరీ వీల్ ఛైర్స్, 3 మొబైల్ బిజినెస్ బ్యాటరీ ట్రై సైకిల్స్, 2 మినీ ట్రేడింగ్ ఆటోలు, 2 హైబ్రిడ్ అటాచ్మెంట్ వీల్ ఛైర్స్ పంపిణీ చేయనున్నారు.
Seethakka Kamareddy tour | పిల్లలకు స్పోర్ట్స్ కిట్స్ పంపిణీ
పట్టణంలోని సాయంత్రం 5 గంటలకు కళాభారతి ఆడిటోరియం (Kalabharathi Auditorium)లో నిర్వహించే అవగాహన సమావేశానికి హాజరుకానున్నారు. బాల సంరక్షణ పిల్లలకు స్పోర్ట్స్ కిట్స్ పంపిణీ కార్యక్రమంలో పాల్గొననున్నారు. సాయంత్రం 6 గంటల నుంచి 8 గంటల వరకు ఇందిరమ్మ గృహ నిర్మాణాల ప్రారంభోత్సవ కార్యక్రమంలో పాల్గొని లబ్ధిదారులతో భోజనం చేయనున్నారు. రాత్రి 8:30 గంటలకు నిజామాబాద్కు బయలుదేరనున్నారు.
ఇది కూడా చదవండి..: Farmer Power Services | రైతులకు మెరుగైన సేవలందించేందుకు ప్రత్యేక వాహనాలు: ట్రాన్స్కో ఎస్ఈ
[…] […]