అక్షరటుడే, వెబ్డెస్క్ : Treasury Officers Bribe | రాష్ట్రంలో అవినీతి అధికారులు రెచ్చిపోతున్నారు. కార్యాలయాలకు వచ్చే వారిని లంచాల కోసం వేధిస్తున్నారు. పైసలు ఇస్తేనే పనులు చేస్తున్నారు. తాజాగా ఇద్దరు ట్రెజరీ అధికారులు లంచం తీసుకుంటూ దొరికారు.
రంగారెడ్డి (Rangareddy) జిల్లా చేవెల్లలోని డివిజనల్ సబ్-ట్రెజరీ కార్యాలయంలో గురువారం ఏసీబీ (ACB) అధికారులు దాడులు చేశారు. సబ్-ట్రెజరీ అధికారి మాదిగ లక్ష్మయ్య, అసిస్టెంట్ ట్రెజరీ అధికారి కావలి అనురాధను అరెస్ట్ చేశారు. ఓ వ్యక్తి నుంచి వీరు రూ.2.50 లక్షల లంచం డిమాండ్ చేశారు. అందులో నుంచి గురువారం రూ.లక్ష తీసుకుంటుండగా.. ఏసీబీ అధికారులు పట్టుకున్నారు.
Treasury Officers Bribe | జీతం డబ్బుల కోసం..
డివిజన్ పరిధిలోని ఓ ఉద్యోగి గతంలో సస్పెండ్ అయ్యారు. అనంతరం తిరిగి విధుల్లో చేరి రిటైర్ కూడా అయ్యారు. అయితే సస్పెన్షన్ కాలానికి చెందిన రూ.23,25,390 జీతం బిల్లులను, పదవీ విరమణానంతర పెన్షన్ సర్దుబాటు బకాయిలైన రూ.4,29,000ను ప్రాసెస్ చేసి, ఫార్వార్డ్ చేసినందుకు లంచం డిమాండ్ చేశారు. దీంతో బాధితుడు ఏసీబీ అధికారులను ఆశ్రయించారు. గురువారం సబ్-ట్రెజరీ అధికారి మాదిగ లక్ష్మయ్య తన వాటాగా రూ.50 వేలు తీసుకున్నాడు. అసిస్టెంట్ ట్రెజరీ అధికారి అనురాధ ఆదేశాల మేరకు ప్రైవేట్ వ్యక్తి వడ్డే జంగయ్య మరో రూ.50 వేలు తీసుకున్నాడు. దీంతో ఏసీబీ అధికారులు వారిని రెడ్ హ్యాండెడ్గా పట్టుకున్నారు. అనంతరం కార్యాలయంలో సోదాలు చేశారు. ముగ్గురు నిందితులను అరెస్ట్ చేశారు.
దీనిని కూడా చదవండి : Hari Babu Murder | యూట్యూబర్ వైష్ణవి హత్య కేసులో నిందితుడి దారుణ హత్య..!
