అక్షరటుడే, బాన్సువాడ: Gandhi Jayanti Banswada | గాంధీజీ ఆశయాల సాధనకు ప్రతి ఒక్కరూ కృషి చేయాలని ఎమ్మెల్యే పోచారం (MLA Pocharam) అన్నారు. గాంధీ జయంతి సందర్భంగా పట్టణంలోని గాంధీ చౌక్‌లో మహాత్మ గాంధీ విగ్రహానికి ఆయన ఘనంగా నివాళులర్పించారు.
Gandhi Jayanti Banswada | సత్యం.. అహింస.. శాంతి..
ఈ సందర్భంగా పోచారం శ్రీనివాసరెడ్డి మాట్లాడుతూ.. సత్యం, అహింస, శాంతి, సహనం వంటి విలువలను ప్రపంచానికి చాటిచెప్పిన మహనీయుడు మహాత్మ గాంధీ అని అన్నారు. స్వాతంత్ర్య సమరంలో గాంధీజీ అనుసరించిన అహింసా మార్గం, ప్రజలను ఏకం చేసిన నాయకత్వం దేశ చరిత్రలో చిరస్థాయిగా నిలిచిపోయాయని పేర్కొన్నారు. గాంధీజీ కలలుగన్న స్వచ్ఛమైన, సమానత్వం కలిగిన, సామాజిక న్యాయంతో కూడిన భారతదేశ నిర్మాణానికి ప్రతి ఒక్కరూ తమ వంతు బాధ్యతగా కృషి చేయాలని పిలుపునిచ్చారు. గాంధీజీ ఆలోచనలు, ఆదర్శాలు నేటి సమాజానికే కాకుండా భావితరాలకు కూడా మార్గదర్శకంగా నిలుస్తాయని అన్నారు. కార్యక్రమంలో బాన్సువాడ మున్సిపల్ ఛైర్‌పర్సన్ కాసుల విజయ, కౌన్సిలర్లు, ప్రజాప్రతినిధులు, నాయకులు తదితరులు పాల్గొన్నారు.
ఇది కూడా చదవండి..: Gandhi Jayanti Nizamabad | మహనీయులు చూపిన బాటలో నడవాలి.. మేయర్ ఉమారాణి
