అక్షరటుడే, వెబ్డెస్క్: Jyotirao Phule Jayanti | మహాత్మా జ్యోతిరావు ఫూలే 200వ జయంతి ఉత్సవాల నిర్వహణపై చర్చించేందుకు హైదరాబాద్ రాజేంద్రనగర్‌లోని అంబేడ్కర్ నగర్లో ఉన్న అంబేడ్కర్ సంఘం భవన్‌లో స్థానిక నాయకులు, మేధావులు, సామాజిక కార్యకర్తలతో సన్నాహక సమావేశం నిర్వహించారు.
ఈ సమావేశంలో ఫూలే–అంబేడ్కర్ ఆలోచనా సమితి (PAAS) అధ్యక్షులు ప్రొఫెసర్ ఎం.ఏ. మాలిక్, మదనం గంగాధర్ పాల్గొని ఉత్సవాల నిర్వహణ, ప్రజల భాగస్వామ్యం, ఫూలే–అంబేడ్కర్ భావజాల ప్రచారం తదితర అంశాలపై చర్చించారు.
ఈ సమావేశంలో రాజు, యాదయ్య, సురేష్, శ్యామ్ రాజ్, జగన్మోహన్, పవన్ కుమార్, సంజీవ్, పెంటయ్య, రవీందర్, రమేష్, బాబూరావు, షేక్ అక్బర్, నాగేష్, అనిల్ తదితరులు పాల్గొన్నారు.
Jyotirao Phule Jayanti | నవంబర్ 26న సభ..
సమావేశంలో జరిగిన చర్చల అనంతరం 2026 నవంబర్ 26న రాజేంద్రనగర్‌లో ఫూలే జయంతి ఉత్సవాల సభ నిర్వహించాలని ప్రాథమికంగా నిర్ణయించారు. ఈ సభకు ఫూలే–అంబేడ్కర్ భావజాలంపై కృషి చేస్తున్న ప్రముఖ మేధావులు, సామాజిక ఉద్యమకారులు, విద్యావేత్తలను వక్తలుగా ఆహ్వానించాలని నిర్ణయించారు.
ఈ కార్యక్రమాన్ని ఫూలే–అంబేడ్కర్ ఆలోచనా సమితి (PAAS), తెలంగాణ డిగ్రీ కళాశాల బీసీ లెక్చరర్స్ అసోసియేషన్ (TDBCLA) సంయుక్తంగా నిర్వహించనున్నాయి.
Jyotirao Phule Jayanti | పోరాటాన్ని ప్రజల్లోకి తీసుకెళ్లడం..
మహాత్మా జ్యోతిరావు ఫూలే సమాజంలో విద్యా వ్యాప్తి, కుల వివక్ష నిర్మూలన, మహిళా విద్య, సమానత్వం కోసం చేసిన పోరాటాన్ని ప్రజల్లోకి తీసుకెళ్లడం ఈ కార్యక్రమ ప్రధాన ఉద్దేశమని నిర్వాహకులు తెలిపారు. డాక్టర్ బి.ఆర్. అంబేడ్కర్ ప్రతిపాదించిన సామాజిక న్యాయం, ప్రజాస్వామిక విలువలు, మానవ గౌరవం వంటి ఆశయాలను విస్తృతంగా ప్రచారం చేయడానికి ఈ ఉత్సవాలు దోహదపడతాయని పేర్కొన్నారు.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
ఈ సమావేశం ద్వారా ఉత్సవాల నిర్వహణకు ప్రాథమిక కార్యాచరణ ప్రారంభమైంది. రాబోయే రోజుల్లో వక్తలకు ఆహ్వానాలు, ఇతర ఏర్పాట్లపై తదుపరి చర్యలు చేపట్టనున్నారు.
