అక్షరటుడే, వెబ్డెస్క్: Ponguleti Srinivas Reddy | ప్రజలను అణచివేయడంలో బీజేపీ, బీఆర్ఎస్ రెండూ ఒక్కటే అని మంత్రి పొంగులేటి శ్రీనివాసరెడ్డి అన్నారు. ఈ మేరకు ఆయన ఎక్స్ వేదికగా పోస్ట్ చేశారు.
కేంద్ర ప్రభుత్వం ఢిల్లీ (Dehli)లోని జంతర్ మంతర్ను నిరసన తెలిపే జాబితా నుంచి తొలగించిన విషయం తెలిసిందే. దీనిపై పొంగులేటి స్పందించారు. రాష్ట్రంలో బీఆర్ఎస్ లాగే, కేంద్రంలో బీజేపీని కూడా ప్రజలు బొందపెడుతారన్నారు. మొన్న పేపర్ లీక్స్… నిన్న ప్రజల నిరసన హక్కును హరించడం… ప్రజా వ్యతిరేక చర్యల్లో బీజేపీ తన బీ-టీం బీఆర్ఎస్‌నే అనుసరిస్తోందని విమర్శించారు. అధికారంలో ఉన్నప్పుడు ధర్నా చౌక్‌లో నిరసనలను నిషేధించిన బీఆర్ఎస్ పార్టీకి ప్రజలు గుణపాఠం చెప్పారన్నారు.
Ponguleti Srinivas Reddy | పోరాటం ఆగదు
ఓటు చోరీకి వ్యతిరేకంగా దేశమంతా నిరసన గళం వినిపిస్తుంటే.. కేంద్ర ప్రభుత్వం ప్రజా ఉద్యమాలకు వేదికైన జంతర్ మంతర్ను నిరసన స్థలాల జాబితా నుంచి తొలగించడం సరికాదన్నారు. ఇది ప్రజాస్వామ్య వ్యతిరేక ధోరణికి నిదర్శనమన్నారు. బీజేపీ ప్రభుత్వం ఎన్ని అడ్డంకులు సృష్టించినా రాహుల్ గాంధీ నాయకత్వంలో ప్రజాస్వామ్య పరిరక్షణ, రాజ్యాంగ విలువల సాధన కోసం సాగుతున్న పోరాటం ఆగదన్నారు.
ఇది కూడా చదవండి..: Jantar Mantar Protest | జంతర్మంతర్ వద్ద ఆందోళన.. సీజేపీ నాయకుల అరెస్ట్
