అక్షరటుడే, వెబ్డెస్క్: Panduga Sayanna | ముదిరాజ్లకు సామాజిక న్యాయం చేస్తామని సీఎం రేవంత్రెడ్డి (CM Revanth Reddy) హామీ ఇచ్చారు. ముదిరాజ్లను బీసీ డీ నుంచి బీసీ–ఏలోకి మారుస్తామన్నారు. ఎలాంటి ఆటంకాలు లేకుండా ఈ ప్రక్రియ సాగేలా చర్యలు తీసుకుంటామని హామీ ఇచ్చారు.
పండుగ సాయన్న జయంతి వేడులకను హైదరాబాద్లోని రవీంద్ర భారతిలో అధికారికంగా నిర్వహించారు. బీసీ సంక్షేమ శాఖ ఆధ్వర్యంలో నిర్వహించిన ఈ కార్యక్రమంలో సీఎం రేవంత్రెడ్డి ముఖ్య అతిథిగా హాజరై మాట్లాడారు. ముదిరాజ్లను బీసీ–ఏలోకి మార్చే ప్రక్రియను హడావుడిగా చేస్తే కోర్టులు కొట్టేసే అవకాశం ఉందన్నారు. న్యాయ నిపుణులు సంప్రదించి.. దీనిని ఏ విధంగా ముందుకు తీసుకు వెళ్తామన్నారు. ముదిరాజ్ సమస్యలపై తనకు సంపూర్ణ అవగాహన ఉందన్నారు. ప్రభుత్వంలో వారిని భాగస్వామ్యం చేస్తామని తెలిపారు.
Panduga Sayanna | పేదలకు పంచారు
మహబూబ్నగర్ జిల్లాలో పండుగ సాయన్న పేదలకు అండగా నిలిచారని సీఎం అన్నారు. దొరల గడీలలో పంటలను కొల్లగొట్టి పేదలకు పంచారన్నారు. బంగారం, నిధులను పేదల పెళ్లిళ్లకు ఇచ్చారని కొనియాడారు. ఆయనను అరెస్ట్ చేస్తే ప్రజలు పెద్ద ఎత్తున ఉద్యమం చేశారన్నారు. అయితే పండుగ సాయన్నకు 40 ఏళ్లు నిండకముందే ఉరి తీశారన్నారు. పండుగ సాయన్న విగ్రహాన్ని ట్యాంక్బండ్పై ఏర్పాటు చేస్తామని ప్రకటించారు. ముదిరాజ్ సోదరులు నమ్మకమైన, పౌరుషం ఉన్న వాళ్లన్నారు.
ఇది కూడా చదవండి..: Shamshabad Road Accident | డీసీఎంను ఢీకొన్న బైక్.. తండ్రి మృతి, కూతురికి తీవ్రగాయాలు
