అక్షరటుడే, బాన్సువాడ: Minor Assault Case | యువతిపై ఇద్దరు మైనర్లు దాడికి పాల్పడ్డారు. ఈ ఘటన బాన్సువాడ (banswada) పట్టణంలో శుక్రవారం రాత్రి చోటు చేసుకుంది.
Minor Assault Case | డబుల్ బెడ్రూం కాలనీ వద్ద..
పట్టణంలోని డబుల్ బెడ్‌రూమ్ కాలనీలో నివాసం ఉంటున్న ఇద్దరు మైనర్ బాలురు మద్యం సేవించి వస్తున్న క్రమంలో అదే ప్రాంతానికి వెళ్తున్న ఓ యువతిని వెనుక నుంచి అడ్డుకున్నారు. ఒకరు యువతి ముఖాన్ని చేతులతో పట్టుకోగా, మరొకరు ఆమెపై దాడికి పాల్పడినట్లు తెలుస్తోంది. దీంతో భయాందోళనకు గురైన యువతి కేకలు వేయడంతో అప్రమత్తమైన స్థానికులు అక్కడికి చేరుకుని ఇద్దరు బాలురను పట్టుకున్నారు. వారికి దేహశుద్ధి చేసి పోలీసులకు అప్పగించారు. యువతిపై దాడికి గల కారణాలు, ఘటన వెనుక ఇతర ఉద్దేశాలేమైనా ఉన్నాయా అనే కోణంలో పోలీసులు విచారణ చేపట్టినట్లు సమాచారం.
ఇది కూడా చదవండి: ఆర్టీసీ బస్సును ఢీకొన్న లారీ..
