అక్షరటుడే, నిజామాబాద్ సిటీ: Nizamabad Collectorate | కలెక్టరేట్ (Nizamabad)లో ఓ మహిళ ఆత్మహత్యాయత్నం చేసింది. తన ఇల్లును సొంతవారే కబ్జా చేయడంతో ఈ అఘాయిత్యానికి పాల్పడినట్లు తెలుస్తోంది.
Nizamabad Collectorate | తండ్రి ఇచ్చిన ఆస్తిని..
రూరల్ పోలీసులు, బాధితురాలు తెలిపిన వివరాల ప్రకారం.. హమాల్వాడీలో ఉండే విజయ అనే మహిళకు ఒక చెల్లెలు ఉంది. ఇటీవలే వారి తండ్రి మరణించాడు. అయితే ఆయన గతంలోనే అక్కాచెల్లెలికి ఇంట్లో చెరో గదిని రాసిచ్చారు. కాని తండ్రి మరణించిన అనంతరం చెల్లెలు అక్క విజయను గెంటేసి ఇల్లు కబ్జా చేసుకుంది. దీంతో దిక్కతోచని విజయ కలెక్టరేట్ను ఆశ్రయించింది. ప్రజావాణిలో ఫిర్యాదు చేసింది. కాని సమస్య పరిష్కారం అవుతుందో లేదోననే భయంతో విజయ మనమరాలు సరిత పురుగుల మంది తాగేందుకు యత్నించింది. గమనించిన పోలీసులు వెంటనే ఆమె దగ్గరి నుంచి పురుగుల మందు లాక్కున్నారు. విజయను, ఆమె మనమరాలు సరితను పోలీసులు విచారిస్తున్నారు.
ఇది కూడా చదవండి..: BPT Rice Price | బీపీటీ బియ్యం ధర కిలో రూ.66కే విక్రయించాలి
