అక్షరటుడే, వెబ్డెస్క్: Telangana Weather Update | తెలంగాణ రాజధాని హైదరాబాద్లో ఈదురు గాలులతో కూడిన వర్షం దంచికొట్టింది. వడగళ్లు కూడా కురిసి వాతావరణాన్ని పూర్తిగా చల్లబర్చింది.
గత కొద్ది రోజులుగా భానుడి భగభగలతో అల్లాడుతున్న మహా నగర వాసులు.. ఆదివారం సాయంత్రం కురిసిన వర్షంతో కాస్త ఉపశమనం పొందారు.
Telangana Weather Update | ఈ జిల్లాల్లో వర్షాలు..
రానున్న కొన్ని గంటల్లో రాష్ట్రంలోని లు జిల్లాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ ప్రకటించింది. ముఖ్యంగా సంగారెడ్డి, మెదక్, కామారెడ్డి జిల్లాల్లో వర్షాలు కొనసాగనున్నాయి.
ఇక రాష్ట్రంలోని ఇతర ప్రాంతాలు, ముఖ్యంగా హైదరాబాద్ నగరంలో ఈ రాత్రి వర్షపాతం ఉండదని, పొడి వాతావరణం కొనసాగుతుందని అంచనా వేస్తున్నారు.
రేపు ఇలా..
అయితే ,రేపటి పరిస్థితులు భిన్నంగా ఉండనున్నాయి. తెలంగాణలోని పలు ప్రాంతాల్లో విడతల వారీగా తీవ్ర ఈదురుగాలులతోపాటు ఉరుములు, మెరుపులతో కూడిన వర్షాలు కురిసే అవకాశం ఉందని వాతావరణ నిపుణులు హెచ్చరిస్తున్నారు. ఈ నేపథ్యంలో ప్రజలు అప్రమత్తంగా ఉండాలని సూచిస్తున్నారు.
