అక్షరటుడే, కామారెడ్డి: Indiramma House | ఇందిరమ్మ ఇల్లు (Indiramma Illu) కావాలంటే తన కోరిక తీర్చాలంటూ ఓ కాంగ్రెస్ నాయకుడు వేధిస్తున్నాడని ఓ మహిళ తన గోడు వెళ్లబోసుకుంది. చివరకు బాధిత మహిళ పోలీస్ స్టేషన్ మెట్లెక్కింది. ఈ ఘటన రాజంపేట (Rajampet) మండల కేంద్రంలో చోటుచేసుకుంది. ఈ మేరకు ఆమె సోమవారం వివరాలు వెల్లడించింది.
Indiramma House | ఇందిరమ్మ ఇల్లు కావాలని మొరపెట్టుకోగా..
రాజంపేటకు చెందిన బాధిత మహిళకు ఇల్లు కూలిపోయి రెండేళ్లుగా అద్దె ఇంట్లో నివాసం ఉంటోంది. ఇందిరమ్మ ఇల్లు కావాలని నాయకులకు మొరపెట్టుకుంది. అయితే సదరు కాంగ్రెస్ నాయకుడు తన కోరిక తీరిస్తేనే ఇల్లు మంజూరు చేయిస్తానని చెప్పడంతో ఆమె నిరాకరించింది. దీంతో డబుల్ బెడ్రూమ్ ఇళ్ల (Double-bedroom houses) మంజూరు జాబితాలో బాధిత మహిళ పేరు వచ్చినా సదరు కాంగ్రెస్ నాయకుడు క్యాన్సిల్ చేయించాడని పోలీసులకు ఆమె ఫిర్యాదు చేసింది. తనకు న్యాయం చేయకపోతే ఆత్మహత్యే శరణ్యమని పేర్కొంది. ప్రస్తుతం ఈ అంశం కాంగ్రెస్ పార్టీని కుదిపేస్తోంది. సదరు నాయకుని తీరుపై విమర్శలు వెల్లువెత్తుతున్నాయి.
Indiramma House | తప్పు చేస్తే దేనికైనా సిద్ధమే.. కాంగ్రెస్ నాయకుడి వివరణ
అయితే తనపై వచ్చిన ఆరోపణలపై సదరు నాయకుడు స్పందించారు. తాను ఏ తప్పు చేయలేదన్నారు. ఆమెకు ఇల్లు కూలిపోతే పునరావాసం కల్పించడం జరిగిందన్నారు. ఇందిరమ్మ ఇల్లు మంజూరు చేయించడం జరిగిందని తెలిపారు. అయితే ఇల్లు నిర్మించుకునే ఆర్థిక స్థోమత తనకు లేదని, డబుల్ బెడ్ రూం మంజూరు చేయాలని కోరితే మొదటి లిస్టులోనే ఆమెకు ఇల్లు మంజూరు చేయించడం జరిగిందన్నారు. అయితే కొందరు వ్యక్తులు సంబంధిత అధికారులకు చెప్పి ఆమె పేరు క్యాన్సిల్ చేయించారన్నారు.
అయితే రాజంపేటలో వర్షాలు పడి ఓ మహిళ ఇల్లు కూలిపోతే ఆమెకు రూ.10 వేలు ఆర్థిక సహాయం ఇప్పించామన్నారు. అలాగే ఇందిరమ్మ ఇల్లు కూడా మంజూరు చేయిస్తామని తమ మాజీ అధ్యక్షుడు హామీ ఇచ్చారన్నారు. అయితే ఆ మహిళకు ఇల్లు ఎలా మంజూరు చేస్తారని తన ఎందుకు ఇవ్వరని పేర్కొంటూ బాధిత మహిళ తనను ఆర్నెళ్లుగా మానసికంగా వేధిస్తోందని తెలిపారు. తాను 30 ఏళ్లుగా కాంగ్రెస్ పార్టీలో కొనసాగుతున్నానని, ఎవరికీ అన్యాయం చేయలేదన్నారు. ఈ విషయమై పోలీసులు నిష్పక్షపాత విచారణ జరిపించాలని కోరారు. తాను తప్పు చేస్తే దేనికైనా సిద్ధమేనని పేర్కొన్నారు.
ఇది కూడా చదవండి: Realme Phone Prices | పెరిగిన రియల్ మీ ఫోన్ల ధరలు
