అక్షరటుడే, వెబ్డెస్క్ : ACB Bribe Case | అవినీతి అధికారులు రెచ్చిపోతున్నారు. అన్ని శాఖల్లో లంచాలు తీసుకునే అధికారులు తిష్ట వేశారు. ప్రతి పనికి ఓ రేటు కట్టి ప్రజల నుంచి డబ్బులు వసూలు చేస్తున్నారు. చివరకు జైలులో ఖైదీలతో ములాఖత్ల కోసం లంచం డిమాండ్ చేస్తున్నారంటే పరిస్థితి అర్థం చేసుకోవచ్చు.
కరీంనగర్ (Karimnagar) జిల్లా హుజురాబాద్ సబ్-జైలు డిప్యూటీ జైలర్ నాంపల్లి దేవేందర్ ఏసీబీ (ACB) అధికారులకు చిక్కాడు. ఆయనతో పాటు పెట్రోల్ బంక్ నిర్వాహకుడు రావుల హరీష్ రూ.10 వేల లంచం తీసుకుంటుండగా ఏసీబీ అధికారులు సోమవారం రెడ్ హ్యాండెడ్గా పట్టుకున్నారు. ఖైదీలకు మెరుగైన సదుపాయాలు కల్పించడం, ములాఖత్లకు (ఖైదీల భేటీకి) అనుమతించడం, ఒక ఖైదీని ఖమ్మం జైలుకు తరలించకుండా ఆపడం కోసం ఈ లంచం డిమాండ్ చేసినట్లు సమాచారం. ఏసీబీ అధికారులు ఇద్దరిని అరెస్ట్ చేశారు.
ACB Bribe Case | లంచం ఇవ్వొద్దు
ప్రభుత్వ అధికారులు, సిబ్బంది లంచం అడిగితే ఇవ్వొద్దని ఏసీబీ అధికారులు సూచిస్తున్నారు. రూ.వంద లంచం అడిగిన తమకు ఫిర్యాదు చేయాలని చెబుతున్నారు. టోల్ ఫ్రీ నంబర్ 1064కు ఫిర్యాదు చేస్తే చర్యలు తీసుకుంటామని తెలిపారు. ఫిర్యాదుదారుల వివరాలు గోప్యంగా ఉంచుతామన్నారు.
దీనిని కూడా చదవండి : Assembly Sessions | వారం రోజుల పాటు అసెంబ్లీ సమావేశాలు
