అక్షరటుడే, వెబ్డెస్క్ : AP WhatsApp Services | ఆంధ్రప్రదేశ్ ప్రభుత్వం (Andhra Pradesh Government) మరో కీలక నిర్ణయం తీసుకుంది. ఇప్పటికే వాట్సాప్ ద్వారా అనేక సేవలు అందిస్తున్న సర్కార్.. తాజాగా ఆ జాబితాలో వైద్య సేవలను సైతం చేర్చింది.
ప్రభుత్వ సేవలను ప్రజలకు చేరువ చేయడం, సాంకేతికతను సద్వినియోగం చేసుకోవడం కోసం ప్రభుత్వం ఈ గవర్నెన్స్ విధానం తీసుకొచ్చింది. దీనిలో భాగంగా ఇప్పటికే పలు రకాల సేవలను వాట్సాప్ ద్వారా అందిస్తోంది. ఇటీవల పదో తరగతి, ఇంటర్ ఫలితాలు సైతం వాట్సాప్లో చూసుకునే అవకాశం కల్పించింది. తాజాగా ఏపీ మెడికల్ కౌన్సిల్ (AP Medical Council) సేవలు ప్రారంభించింది. ’మనమిత్ర’ (Manamitra) వాట్సాప్ నంబర్ 9552300009 ద్వారా సేవలు అందనున్నాయి. ఆ నంబర్కు వాట్సాప్లో హాయ్ అని పంపితే సేవలు పొందే అవకాశం ఉంది.
AP WhatsApp Services | ఇలా చేయాలి
మనమిత్ర నంబర్ను ప్రజలు తమ ఫోన్లో సేవ్ చేసుకోవాలి. అనంతరం ఆ నంబర్కు వాట్సాప్లో “Hi” లేదా “హాయ్” అని మెసేజ్ పంపాలి. అప్పుడు కొన్ని ఆప్షన్స్ వస్తాయి. అందులో ఆరోగ్య శాఖ మెనూ ద్వారా AMC సేవలను ఎంచుకోవాలి. ఆస్పత్రల్లో ఓపీ సేవలు, రక్త లభ్యత వివరాలు దీని ద్వారా తెలుసుకోవచ్చు. అంతేగాకుండా డాక్టర్ల రిజిస్ట్రేషన్ వివరాలు, వారి దరఖాస్తుల స్థితి వంటి సమాచారం ఇందులో అందుబాటులో ఉంటుంది.
ఇది కూడా చదవండి..: Hotel Food Prices | భారీగా పెరిగిన వాణిజ్య గ్యాస్ సిలిండర్ ధరలు.. ఏపీ స్టార్ హోటళ్లలో 10 శాతం వరకు భోజన ధరలు పెంపు
