అక్షరటుడే, వెబ్డెస్క్: Extramarital Dating Apps | స్మార్ట్ఫోన్ చేతిలోకి వచ్చాక పరిచయాలు పెంచుకోవడం ఎంత సులభమైందో.. వాటి వెనుక దాగి ఉన్న ప్రమాదాలు కూడా అంతే వేగంగా పెరుగుతున్నాయి.
ముఖ్యంగా వివాహితులు తమ జీవిత భాగస్వామికి తెలియకుండా కొత్త పరిచయాలు, సంబంధాల కోసం ఉపయోగించే డేటింగ్ యాప్లపై ఆసక్తి పెరుగుతున్నట్టు పలు నివేదికలు చెబుతున్నాయి. ఈ తరహా యాప్ల వినియోగంలో హైదరాబాద్ కూడా టాప్–5 నగరాల్లో ఉందన్న ప్రచారం ఇప్పుడు చర్చనీయాంశంగా మారింది.
Extramarital Dating Apps | ‘ప్రైవసీ’ పేరుతో ఆకర్షణ
వివాహితుల కోసం ప్రత్యేకంగా రూపొందించినట్లు చెప్పుకొనే కొన్ని యాప్లు వినియోగదారులకు గోప్యమైన పరిచయాలు, చాటింగ్, కొత్త సంబంధాలకు అవకాశం కల్పిస్తున్నాయి.
వ్యక్తిగత వివరాలు బయటకు రాకుండా ఉంటాయంటూ కొన్ని ప్లాట్ఫామ్లు ప్రచారం చేసుకోవడం కూడా వినియోగదారులను ఆకర్షిస్తోంది. అయితే ఇదే ‘గోప్యత’ సైబర్ నేరగాళ్లకు అవకాశంగా మారే ప్రమాదం ఉందని నిపుణులు హెచ్చరిస్తున్నారు.
Extramarital Dating Apps | డేటా ఎవరి చేతుల్లోకి వెళ్తుంది?
ఇలాంటి యాప్లలో పేరు, వయసు, ఫోన్ నంబర్, ఫొటోలు, వ్యక్తిగత అభిరుచులు, చాట్ వివరాలు వంటి సున్నితమైన సమాచారం ఉండే అవకాశం ఉంది. ఒకవేళ ఈ డేటా లీక్ అయితే వినియోగదారులు తీవ్ర ఇబ్బందులను ఎదుర్కొనే పరిస్థితి ఉంటుంది.
బ్లాక్మెయిల్, నకిలీ ప్రొఫైళ్లతో మోసం, డబ్బుల డిమాండ్, వ్యక్తిగత ఫొటోల దుర్వినియోగం వంటి సైబర్ నేరాలకు పాల్పడే అవకాశం కూడా లేకపోలేదు. అందువల్ల తెలియని వ్యక్తులతో ఆన్లైన్లో పరిచయాలు పెంచుకునే సమయంలో అత్యంత జాగ్రత్త అవసరం.
Extramarital Dating Apps | సమస్యకు పరిష్కారం కాదంటున్న నిపుణులు
దాంపత్య జీవితంలో సమస్యలు, ఒంటరితనం, పరస్పర అవగాహన లోపం లేదా భావోద్వేగ దూరం వంటి కారణాలతో కొందరు ఇలాంటి యాప్ల వైపు మొగ్గుచూపవచ్చని మానసిక వైద్య నిపుణులు చెబుతున్నారు. అయితే కొత్త సంబంధం లేదా రహస్య పరిచయం ద్వారా అసలు సమస్య పరిష్కారం కాకపోగా మరింత సంక్లిష్టంగా మారే అవకాశం ఉందని సూచిస్తున్నారు.
Dancer Raju Arrest | సినిమా అవకాశాల పేరుతో లైంగిక వేధింపుల ఆరోపణలు.. ‘ఢీ’ డ్యాన్సర్ రాజు అరెస్టు
భార్యాభర్తల మధ్య సమస్యలు ఉంటే పరస్పరం మాట్లాడుకోవడం, అవసరమైతే కౌన్సెలింగ్ తీసుకోవడం వంటి ఆరోగ్యకరమైన మార్గాలను అనుసరించడం మంచిదని నిపుణుల అభిప్రాయం.
Extramarital Dating Apps | ‘క్లిక్’ వెనుక ఎన్నో చిక్కులు!
ఒక అపరిచితుడితో చాట్ మొదలుపెట్టడం కేవలం ఒక క్లిక్తో జరిగిపోవచ్చు. కానీ ఆ పరిచయం వెనుక ఉన్న వ్యక్తి నిజంగా ఎవరు? అతడి ఉద్దేశం ఏమిటి? మనం పంచుకున్న సమాచారం ఎక్కడికి వెళ్తుంది? అనే ప్రశ్నలకు సమాధానం ఉండకపోవచ్చు.
అందుకే ఇలాంటి యాప్లను ఉపయోగించే వారు వ్యక్తిగత వివరాలు, ఆర్థిక సమాచారం, పాస్వర్డ్లు, సున్నితమైన ఫొటోలు పంచుకోకుండా జాగ్రత్త వహించాలని సైబర్ భద్రతా నిపుణులు సూచిస్తున్నారు. సాంకేతికత పరిచయాలను సులభం చేస్తుంది.. కానీ ప్రతి పరిచయం సురక్షితమైనదే అని మాత్రం హామీ ఇవ్వదు.
