అక్షరటుడే, నిజామాబాద్ సిటీ : Forest Martyrs Day | జిల్లా అటవీశాఖ ఆధ్వర్యంలో (Nizamabad Forest Department) జాతీయ అటవీ అమరవీరుల దినోత్సవాన్ని నిర్వహించారు. ఈ సందర్భంగా నగరంలో (Nizamabad) అధికారులు, సిబ్బంది బైక్ ర్యాలీ నిర్వహించారు.
Forest Martyrs Day | వారి త్యాగాలను మరువలేం..
అమరవీరుల స్మారక స్థూపం వద్ద జిల్లా అటవీ అధికారి (DFO) పుష్పగుచ్ఛం ఉంచి నివాళులర్పించారు. అనంతరం సిబ్బంది రెండు నిమిషాల మౌనం పాటించి అమరుల త్యాగాలను స్మరించుకున్నారు. అనంతరం జిల్లా అటవీశాఖాధికారి మాట్లాడుతూ.. 1730 సెప్టెంబర్ 11న రాజస్థాన్లోని ఖేజర్లీ గ్రామంలో పవిత్రమైన చెట్లను నరకకుండా కాపాడేందుకు అమృతదేవి బిష్ణోయ్ నాయకత్వంలో 363 మంది బిష్ణోయ్ తెగ ప్రజలు తమ ప్రాణాలను బలిదానం చేశారు.
వారి అమరత్వానికి గుర్తుగా ప్రతి ఏడాది సెప్టెంబర్ 11ను ‘జాతీయ అటవీ అమరవీరుల దినోత్సవం’గా జరుపుకుంటున్నట్లు తెలిపారు. అటవీ సంపద దోపిడీని అడ్డుకోవడం, కలప స్మగ్లర్లు, వేటగాళ్లను నిరోధించడం మరియు దావానలాల (Forest Fires) నుండి అడవులను కాపాడటంలో ప్రాణాలను సైతం లెక్కచేయకుండా శ్రమిస్తున్న ఫ్రంట్లైన్ సిబ్బంది సేవలు అజరామరమైనవని ప్రశంసించారు.
Forest Martyrs Day | అండగా ఉంటాం
విధి నిర్వహణలో ప్రాణాలర్పించిన అటవీ అమరవీరుల కుటుంబాలకు తెలంగాణ ప్రభుత్వం, అటవీ శాఖ ఎల్లప్పుడూ అండగా ఉంటాయని, వారి సంక్షేమానికి పూర్తి ప్రాధాన్యత ఇస్తుందని డీఎఫ్వో స్పష్టం చేశారు. ర్యాలీ అనంతరం కార్యాలయ ప్రాంగణంలో మొక్కలు నాటే కార్యక్రమం నిర్వహించారు. ఈ కార్యక్రమంలో జిల్లా అటవీ అధికారులు, ఫారెస్ట్ రేంజ్ ఆఫీసర్లు (FROs), సెక్షన్ ఆఫీసర్లు (FSOs), బీట్ ఆఫీసర్లు (FBOs) సిబ్బంది పాల్గొన్నారు.
ఇది కూడా చదవండి: తాతా మధు మాట్లాడింది తప్పే..!
